UGC એ પોસ્ટ ગ્રેજ્યુએશનની સમકક્ષ CA, CS અને ICWA ને ડિગ્રીની માન્યતા આપી છે. આ એકાઉન્ટન્સીનો અભ્યાસ કરતા વિદ્યાર્થીઓને ઉચ્ચ શિક્ષણ પ્રાપ્ત કરવામાં મદદ કરશે.
UGCનો મહત્વનો નિર્ણય
CA,CS અને ICWAના વિદ્યાર્થીઓને મળશે રાહત
UGC એ CS અને ICWA ની લાયકાતને પીજી ડિગ્રી તરીકે માન્યતા આપી
UGC ચાર્ટર્ડ એકાઉન્ટન્સીનો અભ્યાસ કરતા વિદ્યાર્થીઓને સારા સમાચાર આપ્યા છે. હવે CA, CS અને ICWA ડિગ્રી પોસ્ટ ગ્રેજ્યુએશનની સમકક્ષ ગણવામાં આવશે.UGC આ નિર્ણય ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઈન્ડિયા અને અન્ય સંસ્થાઓની અપીલ પર લીધો છે. ICAI એ કહ્યું કે આ નિર્ણયથી ન માત્ર CA વિદ્યાર્થીઓને ઉચ્ચ શિક્ષણ મેળવવામાં મદદ મળશે, પરંતુ વૈશ્વિક સ્તરે પહોંચવું પણ સરળ બનશે.
નવા નિર્ણયથી થશે ફાયદો
ICAI ના ધીરજ ખંડેલવાલે ટ્વીટ કર્યું છે કે UGC એ CS અને ICWA ની લાયકાતને પીજી ડિગ્રી તરીકે માન્યતા આપી છે. અમારા વ્યવસાય માટે આ એક મોટી ઉપલબ્ધિ છે.
ICAI એ સંસદ અધિનિયમ - ધ ચાર્ટર્ડ એકાઉન્ટન્ટ્સ એક્ટ 1949 હેઠળ સ્થાપિત એક વૈધાનિક સંસ્થા છે. હાલમાં આ સંસ્થા સાથે 3 લાખથી વધુ સભ્યો સંકળાયેલા છે. 12 મુ ધોરણ પાસ થયા પછી, વિદ્યાર્થી ICAI પ્રવેશ પરીક્ષા દ્વારા CA ફાઉન્ડેશનના કોર્સમાં પ્રવેશ લઈ શકે છે.
CA ફાઉન્ડેશન કોર્સની પરીક્ષા જૂન માસમાં લેવામાં આવશે
ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઑફ ઇન્ડિયા (ICAI) એ ફાઉન્ડેશન કોર્સ માટે CA જૂન પરીક્ષા -2021 નું શેડ્યૂલ બહાર પાડ્યું છે. ઉમેદવારો તેને ICAI વેબસાઇટ icai.org પર જોઈ શકે છે. સૂચના મુજબ, CA મે પરીક્ષા 24, 28 અને 30 જૂને યોજાશે.
આ સિવાય CA ઇન્ટરમિડિએટ અને અંતિમ પરીક્ષાનું ડેટશીટ પણ બહાર પાડવામાં આવ્યું છે. CA ઇન્ટરમિડિયેટ પરીક્ષાઓ 22 મેથી શરૂ થશે અને અંતિમ પરીક્ષાઓ 21 મેથી શરૂ થશે. આ ઉપરાંત જૂની યોજના અંતર્ગત જૂથ -1 માટેની મધ્યવર્તી પરીક્ષાઓ 22, 24, 27 અને 29 મેના રોજ લેવામાં આવશે.