પહેલી વખત જ્યારે મરિયમ જુડવા બાળકોની મા બની હતી, ત્યારે એને બર્થ કંટ્રોલને લઇને ડૉક્ટર પાસેથી સલાહ લીધી હતી. પરંતુ ડૉક્ટરે એને કહ્યું હતું કે બર્થ કંટ્રોલ માટે દવાઓનો ઉપયોગ એના માટે ઘાતક સાબિત થઇ શકે છે.
યુગાંડા: આ દુનિયા અજૂબોથી ભરેલી છે. અમે તમને કહીએ કે 39 વર્ષની એક મહિલાના 38 બાળકો છે, તો તમારા માટે વિશ્વાસ કરવો થોડો મુશ્કેલ થઇ જશે. પરંતુ યુગાંડાની મરિયમ નાબાતંજીના કંઇક આવી જ સ્ટોરી છે. વાસ્તવમાં મરિયમના લગ્ન ખૂબ નાની ઉંમરમાં થઇ ગયા હતા. જ્યારે એના લગ્ન થયા ત્યારે એની ઉંમર માત્ર 12 વર્ષની હતી. 13 વર્ષની ઉંમરમાં પહેલી વખત બાળકોને જન્મ આપ્યો. મરિયમના મોટાભાગે બાળકો જુડવા છે. મરિયમે છ વખત જુડવા, ચાર વખત ત્રણ અને ત્રણ વખત ચાર-ચાર બાળકોને જન્મ આપ્યો છે. આ રીતે હવે એના કુલ 38 બાળકો છે.
પહેલી વખત જ્યારે એ જુડવા બાળકોની મા બની હતી, ત્યારે એને બર્થ કંટ્રોલને લઇને ડૉક્ટર પાસેથી સલાહ લીધી હતી. પરંતુ ડૉક્ટરે એને કહ્યું હતું કે બર્થ કંટ્રોલ માટે દવાઓનો ઉપયોગ એના માટે ઘાતક સાબિત થઇ શકે છે. એને ડૉક્ટરને કહ્યું હતું કે એનું ગર્ભાશય બાકીની મહિલાઓની સરખામણીએ ઘણું મોટું છે, એ કારણથી એને જુડવા બાળકો થશે. ડૉક્ટર સાથે વાતચીત બાદ એને ક્યારેય બર્થ કંટ્રોલ પિલ્સનો ઉપયોગ કર્યો નથી અને બાળકો પેદા થતા ગયા. ખાસ વાત એ છે કે 38 બાળકોની મા મરિયમ પોતાના બાળકોનું એકલી જ પાલનપોષણ કરી રહી છે.
એની છેલ્લી પ્રેગનેન્સીમાં એને ખૂબ જ સમસ્યાઓનો સામનો કરવો પડ્યો હતો. એને છઠ્ઠી વખત જુડવા બાળકને જન્મ આપ્યો પરંતુ એનું એક બાળક બચી શક્યું નહીં. એ સમયે એનો પતિ એને રડતી મૂકીને ચાલ્યો ગયો. આ ઘટનાને હવે 3 વર્ષ પસાર થઇ ગયા છે.
મરિયમનું બાળપણ ખૂબ જ દુખમાં પસાર થયું છે. મરિયમ જ્યારે પેદા થઇ એના 3 દિવસ બાદ જ એની માતા સ્વર્ગસ્થ થઇ ગઇ હતી.