આપે અનેક વાર બીજા ગ્રહથી પૃથ્વી પર એલિયન અને યૂએફઓ આવવાના સમાચાર તો વાંચ્યા હશે અને સાંભળ્યાં પણ હશે પરંતુ ક્યારેય તમે એલિયનને નહીં જોયું હોય. આવા જ સમાચાર સોશિયલ મીડિયામાં એક વાર ફરીથી આવી છે. આ વખતે ચીનમાં એલિયનનાં યૂએફઓને જોવાનો દાવો કરવામાં આવી રહ્યો છે. જેની કેટલીક તસ્વીરો અને વીડિયો પણ હાલ સોશિયલ મીડિયામાં તેજીથી વાયરલ થઇ રહ્યો છે.
ચીનમાં એવો દાવો એવા સમયમાં કરવામાં આવી રહ્યો છે કે જ્યારે દેશમાં સૈન્ય અભ્યાસ ચાલી રહ્યો છે ત્યારે લોકોએ સોશિયલ મીડિયામાં આને સંબંધિત કેટલીક તસ્વીરો પણ શેર કરી છે. એવું જણાવવામાં આવી રહ્યું છે કે શનિવાર અને રવિવારનાં રોજ બોહાઇ સાગર અને બોહાઇ જલડમરૂમધ્યમાં ચીની નૌસૈન્યએ અભ્યાસ કર્યો. આ અભ્યાસનાં થોડાંક સમય બાદ જ સોશિયલ મીડિયા પર લોકોએ યૂએફઓ દેખાવાનો દાવો કરવાનો શરૂ કરી દીધો. ત્યાર બાદ અહીંનાં અનેક પ્રાંતોમાં યૂએફઓ દેખવાનો દાવો કરવા લાગ્યાં.
કેટલાંક યૂઝર્સે આની તસ્વીરો પણ શેર કરી છે અને કહ્યું કે, તેઓએ યૂએફઓને જોયું છે. ગ્લોબલ ટાઇમ્સનાં સમાાચાર અનુસાર જોઇએ તો, નૌસૈન્ય અભ્યાસની વચ્ચે ચીનનાં અનેક વિસ્તારોનાં લોકોએ સોશિયલ મીડિયા પર આ પ્રકારનો દાવો કર્યો છે. લોકોનું કહેવું એમ છે કે તેઓએ આકાશમાં એક અજ્ઞાત ઉડતી વસ્તુ અથવા તો યૂએફઓને જોયેલ છે કે જેની પાછળ ચમકતી રેખા જોવા મળી રહી હતી.
ચીનમાં સોશિયલ મીડિયા પ્લેટફોર્મ વીબી પર યૂઝર્સે યૂએફઓની અનેક તસ્વીરો અને વીડિયો શેર કર્યા છે કે જેમાં એવો દાવો કરવામાં આવી રહ્યો છે કે રવિવારનાં રોજ સવારનાં અંદાજે 4 કલાકે ચમકતી એક ઉડતી વસ્તુને જોઇ.
એવું કહેવામાં આવી રહ્યું છે કે એલિયનનાં યૂએફઓને ચીનનાં શાંદોંગ, શાંક્સી, હેબેઇ અને હેનાન વિસ્તારોમાં જોવામાં આવેલ છે. જો કે, હાલમાં હજી સુધી આ અંગે કોઇ જ પુષ્ટિ નથી કરવામાં આવી. પરંતુ ચીનમાં આ વાતને લઇને એવો દાવો કરવામાં આવી રહ્યો છે અને તેઓ પોતાનાં દાવાઓને હકીકત જણાવી રહેલ છે.