ધી ઈન્સ્ટિટ્યૂટ ઓફ કંપની સેક્રેટરીઝ ઓફ ઇન્ડિયા (આઇસીએસઆઇ)એ ડોક્યુમેન્ટ્સમાં થતી છેતરપિંડી રોકવા માટે એક અનોખી પહેલ કરી છે. આ પહેલ હેઠળ આઇસીએસઆઇએ યુનિક ડોક્યુમેન્ટ આઇડેન્ટિફિકેશન નંબર (UDIN) લોન્ચ કર્યો છે.
આ પહેલ હેઠળ આઇસીએસઆઇએ યુનિક ડોક્યુમેન્ટ આઇડેન્ટિફિકેશન નંબર (UDIN) લોન્ચ કર્યો છે. ઇ-ફોર્મવાળા દસ્તાવેજને UDINમાંથી મુક્તિ મળશે.
આઇસીઆઇસીઆઇએ સેલ્ફ ગવર્નન્સ અને કંપની સેક્રેટરીના પ્રોફેશનને મજબૂત બનાવવાના ઉદ્દેશ્યથી આ પહેલ કરી છે. આઇસીએસઆઇએ આ અંગે એક નિવેદન જારી કર્યું છે. આઇસીએસઆઇના પ્રમુખ સી.એસ. રંજીત પાંડેએ UDINની જરૂરિયાત પર ભાર મૂકતાં જણાવ્યું હતું કે આ વ્યવસ્થા હેઠળ કોઇ કંપની સેક્રેટરી દ્વારા પ્રમાણિત પ્રત્યેક ડોક્યુમેન્ટને એક આલ્ફા ન્યૂમરિક નંબર આપવામાં આવશે, જે ચોક્કસપણે વિશ્વાસ વધારવાનું કામ કરશે કે ડોક્યુમેન્ટ કંપની સેક્રેટરી દ્વારા પ્રમાણિત છે.
આ નિવેદન અનુસાર કંપની સેક્રેટરી દ્વારા પ્રમાણિત ડોક્યુમેન્ટ માટે ૧ ઓક્ટોબર, ૨૦૧૯થી ICSI UDIN નંબર ફરજિયાત થઇ જશે. તેનાથી UDIN દ્વારા એટેસ્ટેશન અને સર્ટિફિકેશન સેવાનું રજિસ્ટર રાખવામાં સરળતા રહેશે.