IPLIN
 
  • Home
  • Politics
  • India
  • Uddhav Thackeray Packs Up From Chief Minister's Residence, Moves To Family House

મહારાષ્ટ્ર / VIDEO : ધારાસભ્યોને ભાવુક અપીલ બાદ ઉદ્ધવ ઠાકરેએ મુખ્યમંત્રી આવાસ છોડ્યું, માતોશ્રીમાં શિફટ થયા

Team VTV 09:58 PM, 22 Jun 22 | Updated: 10:17 PM, 22 Jun 22
Follow us
Uddhav Thackeray Packs Up From Chief Minister's Residence, Moves To Family House

મહારાષ્ટ્રમાં રાજકીય ભૂકંપ વચ્ચે મોટા સમાચાર આવી રહ્યાં છે. મુખ્યમંત્રી ઉદ્ધવ ઠાકરે મુખ્યમંત્રીનો સત્તાવાર વર્ષા બંગલો ખાલી કરી રહ્યાં છે.

  • મહારાષ્ટ્રમાં રાજકીય ભૂકંપ વચ્ચે મોટા સમાચાર
  • મુખ્યમંત્રી ઉદ્ધવ ઠાકરે આપી શકે રાજીનામું 
  • ઉદ્ધવ ઠાકરેએ ખાલી કર્યો મુખ્યમંત્રીનો બંગલો
  • વર્ષા બંગલામાંથી સામાન ખાલી કરતા જોવા મળ્યાં 
  • માતોશ્રીમાં રહેવા જશે

મહારાષ્ટ્રની રાજકીય કટોકટીની વચ્ચે હવે મુખ્યમંત્રી ઉદ્ધવ ઠાકરે રાજીનામું આપી શકે છે. બુધવારે રાતે સીએમ ઉદ્ધવ ઠાકરે વર્ષા બંગલો ખાલી કરતા નજરે ચડ્યાં હતા. મહારાષ્ટ્રના મુખ્યમંત્રીના સત્તાવાર બંગલાનું નામ વર્ષા છે. ઉદ્ધવ ઠાકરે વર્ષામાંથી માલસામાન લઈને જતા એક વીડિયોમાં જોઈ શકાતા હતા. 

ઉદ્ધવ ઠાકરે મુખ્યમંત્રી આવાસથી રવાના, માતોશ્રી જવા રવાના
ફેસબુક લાઇવ પર મહારાષ્ટ્રની જનતાને સંબોધિત કરતા સીએમ ઉદ્ધવ ઠાકરેએ તો આ પદ પરથી રાજીનામું આપવાની વાત પણ કહી હતી. હવે મોડી રાત્રે તેઓ સીએમ આવાસ છોડીને માતોશ્રી જવા રવાના થઈ રહ્યા છે. તે તેની સાથે સામાન પણ લઈ જઈ રહ્યાં હતા. 

આદિત્ય ઠાકરે અને  રશ્મિ  ઠાકરે પણ મુખ્યમંત્રી આવાસમાંથી બહાર નીકળ્યાં 
આદિત્ય ઠાકરે અને તેમની માતા રશ્મિ ઠાકરે અને તેજસ ઠાકરે પણ ઉદ્ધવને પગલે વર્ષા બંગલામાંથી બહાર નીકળી ગયા હતા અને હવેથી આખો ઠાકરે પરિવાર તેમના અંગત આવાસ માતોશ્રીમાં રહેશે. 

માતોશ્રીની બહાર શિવસૈનિકોનો જમાવડો
ઉદ્ધવ ઠાકરેના ઘર માતોશ્રી બહાર શિવસૈનિકો અને કાર્યકરોનો જમાવડો થયો હતો. લોકો તેમના નેતા સાથે સહાનુભૂતિ પ્રગટ કરવા માટે આવ્યાં હતા, તેમણે ઉદ્ધવના સમર્થનમાં નારેબાજી કરી હોવાનું પણ કહેવાય છે. 

ઉદ્ધવ ઠાકરે મહારાષ્ટ્રના મુખ્યમંત્રી બની રહેશ-સંજય રાઉતનું નિવેદન 

મહારાષ્ટ્રના રાજકીય સંકટમાં શિવેસના અને તેના બળવાખોર નેતાના એક પછી એક નિવેદન સામે આવી રહ્યાં છે. હવે શિવસેનાના દિગ્ગજ નેતા સંજય રાઉતે કહ્યું કે ઉદ્ધવ ઠાકરે જ મહારાષ્ટ્રના મુખ્યમંત્રી બની રહેશે અને તેઓ રાજીનામું નહીં આપે. તેમણે કહ્યું કે જરુર પડે અમે બહુમતી પણ સાબિત કરીશું. 

સદનમાં બહુમત સાબિત કરીશું-રાઉત
શિવસેનાના નેતા સંજય રાઉતનું કહેવું છે કે ઉદ્ધવ ઠાકરે મહારાષ્ટ્રના મુખ્યમંત્રી છે અને તેઓ મુખ્યમંત્રી તરીકે ચાલુ રહેશે. રાઉતે કહ્યું કે અમને તક મળશે તો અમે સદનમાં બહુમત સાબિત કરીશું.

Maharastra political crisis CM Uddhav Thackeray મહારાષ્ટ્ર રાજકીય સંકટ સીએમ ઉદ્ધવ ઠાકરે
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ