મહારાષ્ટ્ર / ઉદ્ધવ ઠાકરેની સાથે તો પોતાનો ભાઈ પણ નથી ! ફ્લોર ટેસ્ટ પહેલા લાગ્યો મોટો ઝટકો

• મહારાષ્ટ્ર રાજકારણમાં મોટા ઉલટફેરની શક્યતા
• આવતીકાલે વિધાનસભામાં થઈ શકે છે ફ્લોર ટેસ્ટ
• રાજ ઠાકરે આપશે ભાજપને સાથ

મહારાષ્ટ્રના રાજકારણમાં ઉથલપાથલ મચી ગઈ છે. કાલે વિધાનસભામાં ફ્લોર ટેસ્ટ થવાનો છે. તેના પર સસ્પેન્સ ઊભું થયું છે. હકીકતમાં ફ્લોર ટેસ્ટના આદેશ વિરુદ્ધ શિવસેના સુપ્રીમ કોર્ટમાં ગઈ છે, જેના પર આજે સાંજે સુનાવણી થવાની છે. 

આપને જણાવી દઈએ કે, રાજ્યપાલ ભગત સિંહ કોશ્યારીએ કાલે 30 જૂને વિધાનસભાનું વિશેષ સત્ર બોલાવ્યુિં છે. સત્રનો એકમાત્ર એજન્ડા સરકાર વિરુદ્ધ ફ્લોર ટેસ્ટ છે. જેનું ગુરૂવારે સાંજે 5 વાગ્યા સુધી નિવારણ લાવવાનું છે. હવે એ જોવાનું રહેશે કે, કાલે ફ્લોર ટેસ્ટ થાય છે કે નહીં.

આપને જણાવી દઈએ કે, ભાજપ અને અમુક અપક્ષ ઉમેદવારોએ ફ્લોર ટેસ્ટની માગ કરી હતી. દેવેન્દ્ર ફડણવીસ રાજ્યપાલ ભગત સિંહ કોશ્યારીને મળ્યા હતા. બીજી બાજૂ એકનાથ શિંદે અને બળવાખોર ધારાસભ્યો આજે સાંજે અથવા તો કાલ સુધીમાં મુંબઈ પાછા આવી શકે છે. શિંદેએ કહ્યું હતું કે, તે લોકો કાલે ફ્લોર ટેસ્ટમાં ભાગ લેશે.

ઉદ્ધવને વધુ એક ઝટકો- ફ્લોર ટેસ્ટમાં ભાજપને સાથ આપશે ભાઈ રાજઠાકરે

મહારાષ્ટ્રમાં હવે રાજ ઠાકરે પણ ભાજપ સાથે ગયા છે. તાજેતરમાં મળેલી જાણકારી અનુસાર દેવેન્દ્ર ફડણવીસ આજે MNS ચીફ રાજ ઠાકરે સાથે વાત કરી હતી. ફડણવીસે તેમને ફ્લોર ટેસ્ટમાં સાથે આપવા માટે મદદ માગી છે. જે માટે રાજ ઠાકરે પણ તૈયાર થઈ ગયા છે. MNS ધારાસભ્ય રાજૂ પાટિલ કાલે ભાજપ માટે વોટ કરશે.