મહારાષ્ટ્ર / ઉદ્ધવ ઠાકરે, આદિત્ય અને સંજય રાઉત પર દેશદ્રોહનો કેસ ચલાવવા બોમ્બે હાઈકોર્ટમાં અરજી દાખલ

• મહારાષ્ટ્રના રાજકીય સંકટ વચ્ચે સરકાર પર મોટી આફત
• ઉદ્ધવ, આદિત્ય અને સંજય રાઉત વિરુદ્ધ ફરિયાદ દાખલ થઈ
• ત્રણેય વિરુદ્ધ દેશદ્રોહનો કેસ દાખલ કરવા રજૂઆત 

મહારાષ્ટ્રમાં ચાલી રહેલા સંકટની વચ્ચે સીએમ ઉદ્ધવ ઠાકરે, મંત્રી આદિત્ય ઠાકરે અને પાર્ટી નેતા સંજય રાઉત વિરુદ્ધ બોમ્બે હાઈકોર્ટમાં અરજી દાખલ કરવામાં આવી છે. જાહેરહીતની અરજીમાં માગ કરવામાં આવી છે કે, આ ત્રણેય નેતાઓ વિરુદ્ધ અરાજકતા ને સરકારી કામો રોકવા માટે દેશદ્રોહનો કેસ નોંધાવો જોઈએ. આ અરજી સામાજિક કાર્યકર્તા હેમંત પાટિલ તરફથી દાખલ કરવામાં આવી છે. તેમણે અરજીમાં માગ કરી છે કે, કોર્ટ ઠાકરે પુત્ર-પિતા, સંજય રાઉતની પ્રેસ ક્રોન્ફ્રન્સ પર રોક લગાવે. તેના માટે એકનાથ શિંદે જૂથના મુદ્દા પર મહારાષ્ટ્રમાં અલગ અલગ ભાગમાં ફરવા પર પણ રોક લગાવામાં આવે.

અરજીમાં કહી છે આ વાત

પાટિલે પોતાની અરજીમાં કહ્યું છે કે, બળવાખોર ધારાસભ્યો એટલા માટે ગુવાહટી જતા રહ્યા છે કારણ કે, તેમની સુરક્ષાને ખતરો છે, તેઓ પોતાનો જીવ બચાવવા માટે ત્યાં જતા રહ્યા છે કારણ કે, રાઉત અને ઠાકરે તરફથી તેમને ધમકીઓ મળી રહી હતી. 

ઉદ્ધવ ઠાકરેએ ફરી એક વાર ઈમોશનલ અપીલ કરી

બીજી બાજૂ મહારાષ્ટ્રના મુખ્યમંત્રી ઉદ્ધવ ઠાકરે ફરી એક વાર બળવાખોર ધારાસભ્યોને મનાવાનો પ્રયાસ કરી રહ્યા છે. તેમના તરફથી ફરી એક વાર ભાવૂક સંદેશ આપવામાં આવ્યો છે. આ સંદેશમાં ઉદ્ધવ કહી રહ્યા છે કે, વાતચીત દ્વારા સમાધાન લાવી શકાય છે. ધારાસભ્યોએ ફક્ત તેમની સાથે વાત કરવાની જરૂર છે. 

સંદેશમાં તેઓ કહે છે કે, પરિવારના વડા હોવાના નાતે મને પોતાના લોકોની ચિંતા છે આપ લોકોને કેટલાક દિવસથી કેદ કરીને ગુવાહટીમાં રાખવામાં આવ્યા છે.આપના વિશે દરરોજ નવી વાતો સામે આવી રહી છે. આપનામાંથી કેટલાય મારા સંપર્કમાં છે. આપ લોકો દિલથી હજૂ પણ શિવસેના સાથે છો.

ઉદ્ધવ આગળ કહે છે કે, પરિવારના મોભી હોવાના નાતે કહી રહ્યો છું કે, હજૂ પણ મોડુ થયું નથી. આપ લોકો મુંબઈ આવીને મારી સામે બેસો અને શંકાઓને દૂર કરીએ. આપણે લોકો એકસાથે બેસીને જરૂરથી કોઈ રસ્તો શોધી કાઢીશું. આગળ કહ્યું કે, શિવસેનાએ આપને જે આદર સત્કાર અને સન્માન આપ્યું છે, તે બીજે ક્યાંય નહીં મળે.