ઉદયપુરમાં યુવાનનું ગળું કાપીને હત્યા કરનાર બેમાંથી એક આરોપી રિયાઝે હત્યાકાંડના દશ દિવસે પહેલા આવું કરવાની ધમકી આપી હતી.
ઉદયપુરમાં બે કટ્ટરપંથીઓએ ગળું કાપીને યુવાનની કરી હત્યા
બેમાંથી એક હત્યારા રિયાઝે હત્યાકાંડના 10 દિવસ પહેલા આપી હતી ધમકી
કહ્યું હતું કે 'માથું કાપી નાખ્યા બાદ વીડિયો અપલોડ કરીશ
ઉદયપુરમાં દરજીની હત્યામાં સામેલ રિયાઝ મોહમ્મદનો એક વીડિયો સામે આવ્યો છે. આ વીડિયો રિયાઝે ઘટનાના લગભગ 10 દિવસ પહેલા 17 જૂને બનાવ્યો હતો.
માણસનો શિરચ્છેદ કરીશ તે દિવસે વીડિયો વાયરલ કરીશ- હત્યારાએ કહ્યું હતું
વીડિયોમાં રિયાઝ મોહમ્મદ કહે છે, "આ વીડિયો હું જુમ્મા (શુક્રવાર) દિવસે બનાવી રહ્યો છું. તારીખ 17 જૂન છે. જે દિવસે હું અલ્લાહની શાનમાં ગુસ્તાખી કરનાર માણસનો શિરચ્છેદ કરીશ તે દિવસે હું આ વીડિયો વાયરલ કરીશ.
આરોપીઓએ આવી રીતે કરી યુવાન કનૈયાલાલની હત્યા
મંગળવારે સોશિયલ મીડિયા પર નૂપુર શર્માના સમર્થનમાં પોસ્ટ કરવા પર ટેલર (દરજી) કન્હૈયાલાલની ગળું કાપીને હત્યા કરી દેવામાં આવી હતી. કહેવાય છે કે આ પોસ્ટ તેના 8 વર્ષના દીકરાએ કરી હતી. પોલીસે હત્યામાં સામેલ રિયાઝ મોહમ્મદ અને ગોસ મોહમ્મદની રાજસમંદ જિલ્લામાંથી ધરપકડ કરી છે. જણાવવામાં આવી રહ્યું છે કે કન્હૈયાલાલે 18 જૂને સોશિયલ મીડિયા પર પોસ્ટ કરી હતી. આ દિવસે કનૈયાલાલના મોબાઈલમાં વોટ્સએપ સ્ટેટસ મુકવામાં આવ્યું હતું. તેઓએ પોસ્ટ કર્યા પછી જ તેમને ધમકીઓ મળવાનું શરૂ થયું. આજે (28 જૂન) બપોરે 3 થી 3.30 વાગ્યાની વચ્ચે આરોપી ટેલરની દુકાને આવ્યો હતો. પહેલા કનૈયાલાલ વાતચીતમાં ફસાઇ ગયા. પછી કહ્યું, કપડાંની સાઇઝ આપો. કનૈયાલાલે જેવો પલટવાર કર્યો કે તરત જ આરોપીએ પાછળથી તિક્ષ્ણ હથિયારથી હુમલો કર્યો હતો. કનૈયાલાલનું ઘટના સ્થળે જ મોત નીપજ્યું હતું.
બન્ને આરોપીની ધરપકડ
ઉદયપુર પોલીસે ટેલર કનૈયાલાલની હત્યાના આરોપી રિયાઝ મોહમ્મદ અને ગોસ મોહમ્મદની ગણતરીના કલાકોમાં ધરપકડ કરી લીધી છે.