પ્રતિભાની કદર / ચોથાનો છોકરો કડકડાટ બોલ્યો 50 જિલ્લાના નામ, પ્રસન્ન CM ગેહલોત બોલ્યાં, 'કંઈ મદદ જોઈએ તો બોલ'

• રાજસ્થાનના મુખ્યમંત્રી ગેહલોત ઉદેપુરના ચોથાના છોકરાની હોશિયારી જોઈને પ્રસન્ન થયાં
• છોકરાએ ફોન પર સીએમને સંભળાવ્યાં 50 જિલ્લાના નામ
• છોકરાની હોશિયારી ફિદા થયેલા સીએમ કરી મોટી મદદની ઓફર

રાજસ્થાનના ઉદેપુરમાં અભ્યાસ કરતા વિદ્યાર્થીની હોંશિયારી જોઈ મુખ્યમંત્રી અશોક ગેહલોત પણ આશ્ચર્યચકિત થઈ ગયા. આ વિદ્યાર્થી નાની ઉંમરનો હોવા છતાં તેની યાદશક્તિ વધુ તેજ છે. આ બાબત ત્યારે પુરવાર થઈ જ્યારે ગેહલોતે ચોથા ધોરણમાં અભ્યાસ કરતા વિદ્યાર્થી પાસેથી 50 જિલ્લાના નામ સાંભળ્યા. આ વિદ્યાર્થી એકી શ્વાસે રાજસ્થાનના 50 જિલ્લાના નામ બોલે છે. મુખ્યમંત્રી ગેહલોતે આ વિદ્યાર્થી સાથે ફોન પર વાત કરી. તેને કોઈ સહાયની જરૂર છે કે કેમ તે અંગે પણ પૂછ્યું હતું. ગેહલોત અને વિદ્યાર્થીની વાતચીતનો વીડિયો ખૂબ વાઈરલ થઈ રહ્યો છે.

नए जिलों एवं संभागों की घोषणा के अगले दिन ही इनके नाम याद कर सुनाते कक्षा 4 के विद्यार्थी अर्जुन गाडरी का वीडियो वायरल हुआ था।

आज वीडियो कॉल के माध्यम से इस प्यारे बच्चे से बात कर आशीर्वाद दिया। pic.twitter.com/hMTdGSLylD

— Ashok Gehlot (@ashokgehlot51) March 21, 2023

આટલા નાના વિદ્યાર્થીની પાસેથી 50 જિલ્લાના નામ સાંભળીને ખુશ થયો- ગેહલોત 
અશોક ગહેલોત સરકારે નવા 19 જિલ્લા બનાવવાની જાહેરાત  કરી હતી. ગેહલોત સરકારની આ જાહેરાતનું કેટલાક લોકોએ સ્વાગત કર્યું તો કેટલાક લોકોએ વિરોધ કર્યો.19 નવા જિલ્લાની ઘોષણા સાથે વાઈરલ વીડિયોએ લોકોનું ધ્યાન ખેંચ્યું છે. એક વિદ્યાર્થીની રાજસ્થાનના 50 જિલ્લાના નામ કડકડાટ બોલે છે. આ વીડિયોમાં મુખ્યમંત્રી ગેહલોત એક વિદ્યાર્થીની પ્રશંસા કરી રહ્યા છે. વિદ્યાર્થીને શાબાશી આપતા કહે છે આટલી નાની વયની વિદ્યાર્થીની પાસેથી 50 જિલ્લાના નામ સાંભળી હું બહુ ખુશ થયો છું.

મુખ્યમંત્રી ગેહલોત અને વિદ્યાર્થીનો સંવાદ
મુખ્યમંત્રી ગેહલોતે ચાલુ ગાડીમાં ચોથા ધોરણમા ભણતાં અર્જુન નામના છોકરા સાથે વાત કરી હતી. ફોનમાં ગેહલોતે અર્જુનને પૂછ્યું કે તારા પિતાજી શું કરે છે ત્યારે વિદ્યાર્થી કહે છે કે મારા પિતા પેટ્રોલ પંપ પર કામ કરે છે. તેના બાદ મુખ્યમંત્રી પૂછે છે કે તમે કેટલા ભાઈ-બહેન છો ? અર્જુન જવાબ આપે છે અમે બે ભાઈ-બહેન છીએ. ગેહલોત કહે છે મને તમારી સાથે વાત કરી આનંદ થયો. અભ્યાસમાં કોઈ અડચણ નથી હું કોઈ મદદ કરી શકું ? અર્જુન જવાબ આપતા કહે છે ના મને કોઈ સમસ્યા નથી. મુખ્યમંત્રી અશોક ગેહલોત વિદ્યાર્થી અર્જુન સાથેની વાતચીતની વીડિયો શેર કર્યો હતો.