ધોરણ 10 અને 12 પછી કારકિર્દીના વિકલ્પો અંગે માર્ગદર્શન આપતા પુસ્તકનું સીએમ ભૂપેન્દ્ર પટેલના હસ્તે વિમોચન
ધોરણ 10 અને 12 પછી શું ?
સીએમ ભૂપેન્દ્ર પટેલના હસ્તે ઉડાન પુસ્તકનું વિમોચન
ધો.10 -12 બાદ કારકિર્દીના વિકલ્પો અંગે માર્ગદર્શન
વિદ્યાર્થીઓમાં પરીક્ષાને લઇને એક ડર જોવા મળે છે. તેમાં પણ બોર્ડની પરીક્ષાને લઇને તો વિશેષ ડર હોય છે. બાળક બોર્ડની પરીક્ષા આપવાનું હોય ત્યારે ઘરનો માહોલ પણ ઘણો અગત્યનો ભાગ ભજવે છે, કારણ કે ઘણીવાર વિદ્યાર્થીને શાળા તરફથી કે પછી માતા પિતા તરફ અજાણતા જ પ્રેશર આપવામાં આવતુ હોય છે. જેને કારણે બાળક માનસિક રીતે ડર અનુભવે છે. જો કે મુંઝવણનો તો પરીક્ષા પાસ થયા પછી પણ હોય જ છે. સારા માર્કસ આવ્યા પછી કઇ સ્ટ્રીમમાં જવુ કે કયો કોર્સ કરવો તેને લઇને મૂંઝાતા હોય છે. ત્યારે આજે સીએમ ભૂપેન્દ્ર પટેલના હસ્તે શૈક્ષણિક વ્યવસાયલક્ષી માર્ગદર્શિકા પુસ્તકનું લોકાર્પણ કરવામાં આવ્યું હતું.
મુખ્યમંત્રીના હસ્તે પુસ્તક "ઉડાન"નું વિમોચન
અમદાવાદમાં મુખ્યમંત્રી ભૂપેન્દ્ર પટેલના હસ્તે શૈક્ષણિક વ્યવસાયલક્ષી માર્ગદર્શિકા પુસ્તક "ઉડાન"નું વિમોચન કરવામાં આવ્યું હતું. આ પુસ્તકમાં ધોરણ 10 અને 12 પછી શું કરવુ તે અંગે મૂંઝવતા પ્રશ્નોનું નિરાકરણ આપવામાં આવ્યું છે. આ પ્રસંગે રાજ્યસભા સાંસદ નરહરી અમીન અને GLS યુનિ.ના પ્રમુખ સુધીર નાણાંવટી ઉપસ્થિત રહ્યા. "ઉડાન" પુસ્તકના માધ્યમથી યુવાનો માર્ગદર્શન આપવામાં આવશે. ધો.10 -12 બાદ કારકિર્દીના વિકલ્પો અંગે પુસ્તકમાં માર્ગદર્શન મળશે.
બાળકોને અભ્યાસ માટે પ્રેશર ન આપવુ જોઇએ- CM
પુસ્તક વિમોચન પ્રસંગે મુખ્યમંત્રી ભૂપેન્દ્ર પટેલનું નિવેદન આપ્યું હતું કે હાલમાં ધો.1ના વિદ્યાર્થીઓને ધો.10 જેવી તૈયારી કરાવે છે. માતા-પિતાએ સંતાનોને પ્રેશર વગર અભ્યાસ કરાવવો જોઇએ. ઘરનું વાતાવરણ વિદ્યાર્થીઓ પર સૌથી વધુ અસર કરે છે. માતા-પિતાએ બાળકોની રૂચિ શેમાં છે તે જાણવું જોઇએ. ઉડાન જેવી પુસ્તિકા વિદ્યાર્થીઓ માટે ખૂબ ફાયદાકારક છે. આ પ્રસંગે રાજ્યસભા સાંસદ નરહરી અમીને જણાવ્યું હતું કે આજે ગુજરાતમાં 92 યુનિવર્સિટી છે. વિદ્યાર્થીઓને ઉચ્ચ શિક્ષણ મેળવવા માટે ગુજરાત બેસ્ટ છે. વિદ્યાર્થીઓને ધો.10 અને 12 પછી મૂંઝવતા પ્રશ્નોનું નિરાકરણ આ પુસ્તકથી મળશે.
Live: જનસહાયક ટ્રસ્ટ સંચાલિત હીરામણી વિદ્યા સંકુલ દ્વારા હીરામણી શૈક્ષણિક વ્યવસાયલક્ષી માર્ગદર્શિકા 'ઉડાન' ના વિમોચન અવસરે માનનીય મુખ્યમંત્રી શ્રી ભૂપેન્દ્રભાઈ પટેલની ગરિમામય ઉપસ્થિતિ. સ્થળ: અમદાવાદ https://t.co/Xs6M4Nkp60