યુઝર્સ ખુશ / હવે Uberથી કેબ બુક કરાવવા માટે એપ હોવી ફરજિયાત નહીં! આવી રીતે ફટાફટ આવી જશે વાહન

• શું તમે કેબ અથવા ઑટો બુક કરવા માટે ઉબેરનો કરો છો ઉપયોગ?
• ઉબેરે નવુ ફીચર જાહેર કર્યુ, યુઝર્સ થયા ખુશ
• હવે વોટ્સએપ પર પણ કેબ અથવા ઑટો બુક કરાવી શકશો 

ઉબેેરે એક નવુ ફીચર જાહેર કર્યુ 

આજના સમયમાં આપણા દરેક કામને સરળ બનાવવામાં સ્માર્ટ ફોન એપ્સનો મોટો હાથ છે. મદદ કરનારી એપ્સમાં પણ ઉબેરનુ નામ પણ જોડવામાં આવે છે. જેની મદદથી આપણે ગમે ત્યાં ટ્રાવેલ કરી શકીએ છીએ. જો તમે પણ કેબ અથવા ઑટો બુક કરવા માટે ઉબેરનો ઉપયોગ કરો છો તો અમે તમને જણાવીએ કે હાલમાં ઉબેરે એક નવુ ફીચર જાહેર કર્યુ છે, જેનાથી યુઝર્સ વધારે ખુશ છે. આ તેની કેબ બુકિંગની પ્રક્રિયાને વધુ સરળ બનાવે છે. આવો જાણીએ આ ફીચર શું છે અને તે કેવીરીતે કામ કરે છે. 

વોટ્સએપ પર બુક કરો ઉબેર કેબ 

ઉબેરે આજથી દિલ્હી એનસીઆરમાં આ સુવિધા જાહેર કરી છે કે યુઝર્સ હવે વોટ્સએપ પર પણ કેબ અથવા ઑટો બુક કરાવી શકશે. વોટ્સએપ પર Uberનો સત્તાવાર ચેટબોટ છે, જેનો ઉપયોગ કરીને તમે સરળતાથી ચેટીંગ એપ દ્વારા કેબ બુક કરી શકાય છે. ઉલ્લેખનીય છે કે તમે આ સુવિધાનો લાભ અંગ્રેજી નહીં, પરંતુ હિન્દી ભાષામાં પણ ઉઠાવી શકો છો. 

ફૉલો કરો આ સ્ટેટસ 

આ ફીચરનો ઉપયોગ કરવા માટે તમારે સૌથી પહેલા તમારા ફોનમાં '+91 7292000002' નંબરને સેવ કરવો પડશે અને પછી વોટ્સએપ પર, આ નંબર પર હાય મેસેજ મોકલવો પડશે. ત્યારબાદ તમારી પાસે એક ઓટીપી આવશે જેના વેરીફિકેશન બાદ તમે વોટ્સએપ પર પોતાની પિકઅપ અને ડ્રોપ લોકેશન અને ડિટેઇલ મોકલી શકશો. તમે અહીં પસંદ કરી શકશો કે તમારે કેબ લેવી છે, ઑટો લેવી છે કે પછી કઈક બીજુ. ત્યારબાદ તમારે ફેર ડિટેઈલ્સ અને ડ્રાઈવરના પહોંચવાની ડિટેઈલ, બધુ મોકલી દેવામાં આવશે.