ગ્લોબલ રાઇડ શેરિંગ અને ડિલિવરી કંપની ઉબેરે અમેરિકામાં સિક્યોરિટી એન્ડ એક્સચેન્જ કમિશન સમક્ષ આઇપીઓ માટે અરજી કરી છે. આ અરજીમાં ઉબેરે જણાવ્યું છે કે ભવિષ્યમાં તેનો ઓપરેટિંગખર્ચ વધશે અને તેથી શક્ય છે કે કંપની ક્યારેય પ્રોફિટમાં નહીં આવે.
કંપની ન્યૂયોર્ક સ્ટોક એક્સચેન્જમાં ઉબેરના નામે જ લિસ્ટ થશે. IPO ડોક્યુમેન્ટમાં ઉબેર તરફથી જણાવાયું છે કે શરૂઆતથી જ અમે ખોટનો સામનો કરી રહ્યા છીએ. અમારું માનવું છે કે આગામી સમયમાં અમારો ખર્ચ વધશે તેથી અમે નફાકારક કંપની ક્યારેય બની શકીશું નહીં. અમે માર્કેટમાં પ્રતિસ્પર્ધી બની રહેવા ઘણી વાર ભાડા ઘટાડ્યા છે. હજુ ભવિષ્યમાં પણ આવું કરીશું. ડ્રાઇવર અને કસ્ટમર્સને ઇન્સેન્ટિવ આપતા રહીશું.
ઉબેરે જણાવ્યું છે કે તેના પ્લેટફોર્મ પર 2017ની તુલનાએ 33.8% યુઝર્સનો વધારો થયો છે, પરંતુ તેના એક વર્ષ અગાઉ તેનો ગ્રોથ 51% ટકા હતો. 2018માં રેવન્યૂ 42 % વધીને 1130 કરોડ ડોલર (રૂ. 78 હજાર કરોડ) થઇ ગઇ હતી. જે 2017ની તુલનાએ 42 % વધુ છે, પરંતુ તેના એક વર્ષ પહેલાં કંપનીની રેવન્યૂ 106 % વધી હતી. 2018માં ઉબેરને 300 કરોડ ડોલર (અંદાજે રૂ. 20 હજાર કરોડ)ની ખોટ ગઇ હતી.
ઉબેરે જણાવ્યું હતું કે IPOની સાઇઝ 1000 કરોડ ડોલર (રૂ. 70 હજાર કરોડ) હોઇ શકે છે. કંપનીનું વેલ્યૂએશન 10 હજાર કરોડ ડોલર (રૂ. સાત લાખ કરોડ) થઇ શકે છે. છેલ્લાં પાંચ વર્ષમાં આ સૌથી મોટો IPO હશે.