નવી ગાઈડલાઈન / હવે Uberનો ઉપયોગ કરતાં પહેલાં પેસેન્જર અને ડ્રાઈવરએ ફરજિયાત આ 9 નિયમો ફોલો કરવા પડશે

• ઉબેરના પેસેન્જર્સ માટે કામના સમાચાર
• હવે ઉબેર બુક કરતા પહેલાં ફોલો કરવા પડશે આ નિયમો
• જો પેસેન્જર કે ડ્રાઈવર નિયમો ફોલો નહીં કરે તો ટ્રીપ થઈ જશે કેન્સલ

ઉબેરના ગ્લોબલ સિનિયર ડિરેક્ટર (સેફ્ટી પ્રોડક્ટ મેનેજમેન્ટ) સચિન કંસલે સોમવારે જણાવ્યું કે, એપ્લિકેશનમાં લોગ ઇન કરતી વખતે ડ્રાઇવરે તેના ચહેરા પર માસ્ક પહેરીને એપ પર એક સેલ્ફી ખેંચવી પડશે, તો જ તે લોગ ઈન કરી શકશે. ડ્રાઇવરે પુષ્ટિ કરવી પડશે કે તેણે માસ્ક પહેરેલો છે, તેમાં કોરોનાના કોઈ લક્ષણો નથી. તે દરેક ટ્રિપ પછી ગાડીને સેનિટાઈઝ કરશે અને નિયમિત રીતે તેના હાથ સાફ કરતો રહેશે. જો ડ્રાઈવર આ નિયમોનું પાલન નહીં કરે તો તેને એપ્લિકેશન પરથી હટાવી દેવામાં આવશે. 

આ છે ઉબેરની નવી ગાઈડલાઈન્સ

• જ્યારે કોઈ પેસેન્જર કેબ બુક કરે તો તેની સામે નવી ગાઈડલાઈનનો પેજ ઓપન થશે. જેમાં મુસાફરી દરમિયાન કોરોના સંક્રમણથી બચવા માટે કેટલીક ટિપ્સ જણાવવામાં આવશે. 
• આ હેઠળ પેસેન્જરને ફરજિયાત માસ્ક પહેરવો પડશે.
• ત્યારબાદ કારમાં બેસતા પહેલાં પેસેન્જર પોતાના હાથ સાફ કરવા પડશે. 
• પેસેન્જર ગાડીમાં માત્ર પાછળની સીટ પર જ બેસી શકશે. 
• આ સાથે ડ્રાઈવર સિવાય માત્ર 2 લોકો જ એક કારમાં યાત્રા કરી શકશે. 
• પેસેન્જરને કેબમાં પોતાનો લગેજ પોતે જ હેન્ડલ કરવો પડશે. 
• એસી માત્ર ફ્રેશ એર મોડમાં ઉપયોગ કરવામાં આવશે અથવા તો એસીનો ઉપયોગ ન કરવા જેવી સલાહ આપવામાં આવશે. 
• આ નિયમોનું પાલન કરવાની પુષ્ટિ કર્યા બાદ જ પેસેન્જર કેબ બુક કરી શકશે. 
• જો ટ્રિપ બુક કર્યા બાદ ડ્રાઈવર અથવા રાઈડર માસ્ક કાઢી દે છે અથવા તો બંનેમાંથી કોઈપણ પોતાની સુરક્ષાનું ધ્યાન નહીં રાખે તો ટ્રિપ કેન્સલ કરી દેવામાં આવશે.