મહામારી / ભારત-બ્રિટનમાં તબાહી મચાવનાર ઘાતક કોરોનાની સૌપ્રથમ વખત તસવીર આવી સામે, જોઈ લો

• કેનેડાના સંશોધકોએ નવા વેરિયન્ટની પહેલી મોલેક્યુલર તસવીર જારી કરી
• B.1.1.7 કોરોના વેરિયન્ટની મોલિક્યુલર ઈમેજ બનાવાઈ 
• આ સ્ટ્રેનને કારણે ભારતમાં કોરોનાની બીજી લહેર મજબૂત બની
•  B.1.1.7 કોરોના વેરિયન્ટની અંદર એક ખાસ પ્રકારનું મ્યુટેશન જોવા મળ્યું 

કેનેડાના સંશોધકોએ આ નવા વેરિયન્ટની પહેલી મોલેક્યુલર તસવીર જારી કરી છે. 

યુનિવર્સિટી ઓફ બ્રિટિશ કોલંબિયાના સંશોધકોએ B.1.1.7 કોરોના વેરિયન્ટની મોલિક્યુલર ઈમેજ બનાવી છે. સંશોધકોએ જણાવ્યું કે કોરોનાની નવી ઈમેજ પરથી સ્પસ્ટ થયું છે કે તે કેવી રીતે આપણી કોશિકાઓમાંથી પોતાના કાંટાળા પ્રોટીનના પડને ચિપકાવે છે. આ સ્ટ્રેનને કારણે ભારત અને દુનિયાના બીજા દેશોમાં કોરોનાની બીજી લહેર મજબૂત બની છે. 

B.1.1.7 કોરોના વેરિયન્ટની અંદર એક ખાસ પ્રકારનું મ્યુટેશન જોવા મળ્યું

યુનિવર્સિટી ઓફ બ્રિટિશ કોલંબિયાની ટીમના લીડર ડો.શ્રીરામ સુબ્રમણ્યમે જણાવ્યું કે B.1.1.7 કોરોના વેરિયન્ટની અંદર એક ખાસ પ્રકારનું મ્યુટેશન જોવા મળ્યું છે. તેનું નામ N501Y છે. આ મ્યુટેશન આ વેરિયન્ટના કાંટાળા પ્રોટીનનું પડ દેખાય છે. આ કાંટાળા પ્રોટીનને કારણે કોરોના મનુષ્યોના કોષોમાં ઘુસે છે અથવા તો તેની સાથે જોડાય છે એટલે કે તેમને સંક્રમિત કરે છે.

પહેલી વાર N501Y મ્યુટેશન પણ દેખાઈ રહ્યું છે

ડો.શ્રીરામે જણાવ્યું કે અમે જે તસવીર લીધી છે તેમાં પહેલી વાર N501Y મ્યુટેશન પણ દેખાઈ રહ્યું છે. તેમણે કહ્યું કે આ એક ઘણી સારી શોધ છે.

UBC researchers unveil first molecular images of B.1.1.7 COVID-19 mutation https://t.co/Zjwy1H41QH pic.twitter.com/y9MhKu54vR

— University of British Columbia (@UBC) May 3, 2021

આ એકમાત્ર મ્યુટેશન છે જે B.1.1.7 કોરોના વેરિયન્ટના કાંટાળા પ્રોટીનના પડ પર છે.  તે મનુષ્યોના કોષોના ઉપરના ભાગે એસીઈ2 રિસેપ્ટર સાથે જોડાય છે. 

કેવો દેખાય છે કોરોનાનો નવો સ્ટ્રેન
કોરોના વાયરસ એક પેપર પીનના ઉપરના ગોળ ભાગ કરતા પણ 1 લાખ ગણો નાનો હોય છે. આ વાયરસ સામાન્ય પ્રકારના વાયરસથી દેખાતો નથી. જો આપણે કોરોનાના કોઈ વાયરસના સ્ટ્રેનને જોવો હોય તો ક્રાયો ઈલેક્ટ્રોન માઈક્રોસ્કોપનો ઉપયોગ કરવો પડે છે. 

ભારતના કોરોના વેરિયન્ટની તસવીર મે મહિનાના અંતમાં આવી જશે

ડો.શ્રીરામે જણાવ્યું કે N501Y મ્યુટેશન આપણા શરીરમાં જલદીથી દાખલ થઈ જાય છે. પરંતુ સારી વાત એ છે કે વાયરસ શરીરની એન્ટીબોડી અને વેક્સિન બાદ વિકસીત થનાર એન્ટીબોડીને પણ નિષ્ક્રીય કરી નાખે છે. સાથે બી.1.1.7 કોરોના વેરિયન્ટમા મ્યુટેશન હોતો નથી. ભારતમાં જે કોરોના વેરિયન્ટ બી.1.617 ચાલી રહ્યો છે તેની તસવીર મે મહિનાના અંત સુધીમાં આવી જશે. તેમણે જણાવ્યું કે અમારી ટીમ હવે બ્રાઝીલ અને દક્ષિણ આફ્રિકા તથા કૈલિફોર્નાયના વેરિયન્ટની તસવીર બહાર પાડશે.