દુબઈના અબજોપતિ શાસક શેખ મહમ્મદ બિન રાશિદ અલ મક્તૂમની પત્ની પ્રિંસેસ હયાએ નાટકીય રીતે પોતાના પતિને છોડી દીધા છે. રાણી હયા પોતાના પતિને તલાક આપવા માગે છે. અને નવી જિંદગીની શરૂઆત કરવા માગે છે. જેથી તે પોતાના બે બાળકોને પણ સાથે લઈ ગઈ છે.
31 મિલિનય પાઉન્ડ લઇને ભાગી છે હયા
પોતાની સાથે 31 મિલિયન પાઉન્ડ એટલે કે ભારતીય ચલણ મુજબ 270 કરોડ રૂપિયા લઈ ગઈ છે. રાણી હયા બિન્ત અલ હુસૈન દુબઈના શાસક શેખ મહમ્મદ બિન રાશિદ અલ મકતૂમની છઠ્ઠી પત્ની છે. મળતી વિગતો મુજબ રાણી જર્મની ભાગી ગઈ છે.
જર્મન રાજદૂતે મદદ કરી હોવાનો ખુલાસો
ત્યાં રાજકીય શરણ આપવા માટે આગ્રહ કર્યો છે. એવું પણ જાણવા મળી રહ્યું છે કે શેખે બર્લિનમાં અધિકારીઓને તેની પત્ની અને બાળકોને પરત મોકલવા કહ્યું છે..જોકે બર્લિન તંત્રએ ઈનકાર કરી દીધો છે. સૂત્રોનું માનીએ તો રાણીને દુબઈથી બહાર નીકળવામાં જર્મન રાજદૂતે મદદ કરી હતી. જે બાદ બન્ને દેશ વચ્ચે સંકટ ઉભું થઈ ગયું છે.
ઓક્સફર્ડમાં ભણી છે હયા
હયા જોર્ડનના રાજા સૌતેલી બહેન છે. ઓક્સફર્ડમાં ભણેલી 20 મે બાદ સોશિયલ મીડિયા તથા અન્ય કોઇપણ સ્થળે જોવા મળી નથી. કેટલાક રિપોર્ટમાં દાવો કરવામાં આવ્યો છે કે, મકતૂમને જર્મનીથી હયાને દુબઇ પરત મોકલવાનો આગ્રહ કર્યો હતો પરંતુ જર્મનીના અધિકારીઓ તેનો અસ્વીકાર કર્યો હતો. આ ઘટનાથી બંન્ને રાષ્ટ્રો વચ્ચેના સંબંધમાં તણાવ આવી શકે છે.