ટ્રાવેલ / હવે દુબઈ જવામાં પડશે મુશ્કેલી, UAEએ નવા નિયમ કર્યા જાહેર, ભારતીય પર્યટકોને ફટકો

ભારતથી દર વર્ષે લાખો લોકો દુબઈ ફરવા જતા હોય છે. વર્ષ 2023માં ભારતથી 60 લાખથી વધુ પ્રવાસીઓ દુબઈ ફરવા ગયા હતા. દરમિયાન, એક અહેવાલમાં દાવો કરવામાં આવ્યો છે કે દુબઈ જનારા મોટી સંખ્યામાં ભારતીય પ્રવાસીઓને વિઝા આપવાનો ઇન્કાર કરી દેવામાં આવ્યો છે. વિઝા રિજેક્શન રેટ 1-2 ટકાથી વધીને 5-6 ટકા થઈ ગયો છે. જેના કારણે પ્રવાસીઓને નોન રિફંડેબલ ફ્લાઈટ અને હોટેલ બુકિંગમાં હજારો રૂપિયાનું નુકસાન વેઠવું પડી રહ્યું છે. તેમની દુબઈ જવાની તમામ પ્લાનિંગ ખોરવાઈ રહી છે. ત્યારે ચાલો જાણીએ કે આવું સહાય માટે થઈ રહ્યું છે.

જાણો શા માટે કેન્સલ થઈ રહ્યા છે વિઝા

એક સમયે દુબઈ માટે લગભગ 99 ટકા વિઝા અરજીઓ સ્વીકારવામાં આવતી હતી. જ્યારે હવે UAEના અધિકારીઓ સારી રીતે તૈયાર કરેલી ફાઇલોને પણ રિજેક્ટ રહ્યા છે. અહેવાલ મુજબ, દરરોજ દર 100માંથી ઓછામાં ઓછી પાંચ-છ અરજીઓ નકારી કાઢવામાં આવે છે. આને કારણે, તે પ્રવાસીઓને સૌથી વધુ નુકસાન થઈ રહ્યું છે, જેઓએ તેમના હોટેલ અને એરલાઇન રિઝર્વેશનની સાથે-સાથે તેમની વિઝા માટે પ્રોસેસિંગ ફી ચૂકવી દીધી છે.

જાણો શું છે નવા નિયમો

UAE એ તાજેતરમાં દુબઈ માટે ટૂરિસ્ટ વિઝા અરજીઓ માટે ઘણા કડક નિયમો બનાવ્યા છે. જેના કારણે વિઝા રિજેક્શનનો દર વધી ગયો છે. નવા નિયમ મુજબ મુસાફરોએ તેમની રિટર્ન ટિકિટની કોપી ઇમિગ્રેશન વિભાગની વેબસાઈટ પર અપલોડ કરવી પડે છે. આ અગાઉ એરપોર્ટ અધિકારીઓ આ દસ્તાવેજો જોતા હતા.

બતાવવું પડશે હોટેલ રિઝર્વેશન

પ્રવાસીઓએ હોટલ રિઝર્વેશનનો પુરાવો આપવો પડશે. આ સિવાય જો તમે દુબઈમાં પરિવારના કોઈ સભ્યના ઘરે રહેવાનું પ્લાનિંગ કરી રહ્યા છો, તો તે પરિવારના લોકોએ તેમના રહેઠાણ વિઝા, તેમની અમીરાત આઈડી પણ દર્શાવવી પડશે. આ ઉપરાંત પ્રવાસીઓ પાસેથી એવી અપેક્ષા પણ રાખવામાં આવે છે કે તેમની પાસે દુબઈ જવા માટે પૂરતા પૈસા હોય. આ માટે પ્રવાસીઓએ બેંક સ્ટેટમેન્ટ અથવા સ્પોન્સરશિપ લેટર બતાવવો પડશે.

આ પણ વાંચો: ટ્રમ્પની ટીમમાં વધુ એક નામ ઉમેરાયું, ભારતીય મૂળની મહિલાને મળી મોટી જવાબદારી

જાણો કેટલા પૈસાની જરૂર છે

જો તમે બે મહિના માટે દુબઈ જઈ રહ્યા હોવ તો તમારા ક્રેડિટ અથવા ડેબિટ ખાતામાં ઓછામાં ઓછા AED 5,000 (અંદાજે રૂ. 1.14 લાખ) હોવા જોઈએ. જ્યારે, જો તમારે 3 મહિનાના વિઝા જોઈએ છે તો તમારી પાસે AED 3,000 હોવા જોઈએ. ઓનલાઈન અને અધિકૃત ટ્રાવેલ ફર્મ બંને રીતે ટૂરિસ્ટ વિઝા અરજીઓ પ્રક્રિયા કરી શકાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ