U-19 વર્લ્ડકપ / U-19 વર્લ્ડકપ: IND-BAN ખેલાડીઓ વચ્ચે જે થયું તેનાથી વિવાદ ભારે વકર્યો, જાણો હવે શું થઈ રહ્યું છે

• બાંગ્લાદેશે ફાઇનલમાં ભારતને 3 વિકેટે હરાવ્યું
• જીત બાદ બાંગ્લાદેશની ટીમે ભારતીય ખેલાડીઓ સાથે ખરાબ વર્તન કર્યું
• બાંગ્લાદેશની ટીમના ખેલાડીએ ઉશ્કેરણીજનક નિવેદનો આપ્યા હતા

હકીકતમાં, જીત બાદ બાંગ્લાદેશની ટીમના ખેલાડીઓએ ભારતીય ખેલાડીઓ સાથે ખરાબ વર્તન કર્યું. વર્લ્ડ ચેમ્પિયન બનતાની સાથે જ બાંગ્લાદેશની ટીમનો એક ખેલાડી ભારતીય ખેલાડી પાસે પહોંચ્યો અને તેની પાસે ઉભો થઈ ગયો. એટલું જ નહીં તેણે ઉશ્કેરણીજનક નિવેદનો આપ્યા હતા. ભારતીય ખેલાડીઓએ તેને દૂર હટાવ્યો. પછી અમ્પાયરે બંનેને એકબીજાથી અલગ કર્યા. દક્ષિણ આફ્રિકાના પૂર્વ ક્રિકેટર જેપી ડુમિનીએ આ વીડિયો ટ્વિટર પર શેર કર્યો છે.

Big Fight Between Indian U19 and Bangladesh U19 players in U19 WC Final#U19WorldCup #IndvsBan #INDvBAN #U19CWCFinal pic.twitter.com/0m26vTOHCE

— Usman Nasir (@IamUsman7) February 9, 2020

બાંગ્લાદેશની ટીમના કેપ્ટન અકબર અલીએ અફસોસ દર્શાવ્યો હતો

આ સમગ્ર ઘટનાને લઈને બાંગ્લાદેશની ટીમના કેપ્ટન અકબર અલીએ અફસોસ દર્શાવ્યો હતો. તેમણે કહ્યું આપણે આવી સ્થિતિમાં વિરોધી ટીમ અને રમતનું સન્માન કરવું જોઈએ. અકબરે કહ્યું, 'આ સપનું પૂરું થવાનું હતું. અમે છેલ્લાં બે વર્ષમાં ખૂબ જ મહેનત કરી છે અને આ તેનું પરિણામ છે. એવું કહેવામાં આવી રહ્યું છે કે, આઇસીસીએ આ સમગ્ર મામલાને ગંભીરતાથી લીધો છે.

Shameful end to a wonderful game of cricket. #U19CWCFinal pic.twitter.com/b9fQcmpqbJ

— Sameer Allana (@HitmanCricket) February 9, 2020

મેચ દરમિયાન બાંગ્લાદેશની ટીમના ખેલાડીઓએ ભારતીય ખેલાડીઓ સાથે ધક્કામુકી કરી

મેચ દરમિયાન બાંગ્લાદેશની ટીમના ખેલાડીઓએ ભારતીય ખેલાડીઓ સાથે ધક્કામુકી કરી હતી.  બાંગ્લાદેશ ટીમના બોલર ઇરાદાપૂર્વક જરૂરિયાત વિના ભારતીય બેટ્સમેન તરફ થ્રો મારી રહ્યા હતા. ભારતીય બેટ્સમેન પણ જ્યારે આઉટ થયા ત્યારે અભદ્ર ઈશારા કરી રહ્યા હતા. બાંગ્લાદેશ વિજયની નજીક હતું ત્યારે પણ પેસર ઇસ્લામ કેમેરાની સામે અભદ્ર ટિપ્પણી કરતા જોવા મળ્યો હતો. મેચ બાદ ભારતના કેપ્ટન પ્રિયમ ગર્ગે કહ્યું કે, બાંગ્લાદેશના ખેલાડીઓએ ખરાબ વ્યવહાર કર્યો હતો. 

યશસ્વી જયસ્વાલે બનાવ્યા સૌથી વધુ રન

મેચની વાત કરીએ તો પહેલી વખત ફાઈનલમાં પહોંચેલી બાંગ્લાદેશ ટીમે ટોસ જીતીને બોલિંગ કરવાનું નક્કી કર્યું. સમગ્ર ટુર્નામેન્ટમાં શાનદાર પ્રદર્શન કરનાર ભારતીય બેટ્સમેન સંપૂર્ણ 50 ઓવર્સ પણ રમી શક્યા નહીં અને 177 રનમાં સમેટાઇ ગઈ. ટીમ ઈન્ડિયા તરફથી યશસ્વી જયસ્વાલે સૌથી વધુ 121 બોલમાં 88 રન બનાવ્યા અને બેટિંગ કરવા ઉતરેલી બાંગ્લાદેશની ટીમે 41 ઓવર્સમાં 163 રન બનાવી લીધા અને એ જ સમય વરસાદ થયો અને મેચ રોકાઈ ગઈ. પછી ડકવર્થ-લુઈસ નિયમ અનુસાર બાંગ્લાદેશને 30 બોલમાં 7 રન બનાવવાનું લક્ષ્ય મળ્યું હતું, 23 બોલ બાકી હતા અને સાત વિકેટે પ્રથમ વખત અંડર-19 વર્લ્ડ કપનો ખિતાબ બાંગ્લાદેશ ટીમે જીત્યો.