U-19 Women's World Cup / 'મ્હારી છોરી છોરો સે કમ હૈ કે.. મહિલા ટીમ ઈન્ડિયાની બીજી શાનદાર જીત, 97 રન પર UAEની ટીમના સુપડા સાફ

• મહિલા વર્લ્ડ કપ 2023માં ટીમ ઈન્ડિયા એ UAEને 122 રનથી હરાવ્યું
• UAE ટીમ 20 ઓવરમાં 97 રન જ બનાવી શકી 
• શેફાલી અને શ્વેતા એ રમી ધમાકેદાર ઇનિંગ 

અંડર-19 મહિલા વર્લ્ડ કપ 2023માં ભારતીય ટીમનું વિજેતા અભિયાન ચાલુ છે. જણાવી દઈએ કે સોમવારે 16 જાન્યુઆરીના રોજ બેનોનીમાં રમાયેલી મેચમાં ટીમ ઈન્ડિયા એ UAEને 122 રનથી હરાવ્યું હતું. ભારતે UAEને જીતવા માટે 220 રનનો ટાર્ગેટ હતો પણ UAE ટીમ 20 ઓવરમાં પાંચ વિકેટ ગુમાવીને 97 રન જ બનાવી શકી હતી.

Innings Break!#TeamIndia finish with a mammoth total of 219/3 on board!

Shafali Verma 78(34)
Shweta Sehrawat 74*(49)
Richa Ghosh 49(29)

Over to our bowlers 💪

Scorecard ▶️ https://t.co/lhJAqEEm4Y… #INDvUAE | #U19T20WorldCup pic.twitter.com/OFwZajZp5Q

— BCCI Women (@BCCIWomen) January 16, 2023

શેફાલી અને શ્વેતા એ રમી ધમાકેદાર ઇનિંગ 
જણાવી દઈએ કે ભારતીય ટીમની આ મોટી જીતમાં કેપ્ટન શેફાલી વર્મા અને વાઈસ કેપ્ટન શ્વેતા સેહરાવતે મહત્વની ભૂમિકા ભજવી હતી. શેફાલી વર્મા અને શ્વેતા સેહરાવતે મેચ દરમિયાન તોફાની ઇનિંગ્સ રમી હતી. મેચના અંતમાં શ્વેતાએ અણનમ 74 રન બનાવ્યા હતા અને શેફાલી વર્માએ 78 રનની ઇનિંગ રમી હતી. આવતા મેચની વાત કરી તો ભારતીય ટીમ તેની છેલ્લી ગ્રુપ-ડી મેચમાં 19 જાન્યુઆરીએ સ્કોટલેન્ડ સામે ટકરાશે. સાથે જ ભારતે પોતાની પહેલી મેચમાં સાઉથ આફ્રિકાને સાત વિકેટે હરાવ્યું હતું.

Skipper @TheShafaliVerma bagged the Player of the Match award for her wonderful captain's knock of 78 runs off just 34 deliveries 🙌🏻#TeamIndia clinch their second victory of the #U19T20WorldCup as they beat UAE by 122 runs👌🏻

Scorecard ▶️ https://t.co/lhJAqEEm4Y… #INDvUAE pic.twitter.com/g1nOJBD4TE

— BCCI Women (@BCCIWomen) January 16, 2023

8.3 ઓવરમાં 111 રનની ભાગીદારી 
ટોસ હાર્યા બાદ ભારતીય ટીમને પ્રથમ બેટિંગ કરવા ઉતરી હતી જેમાં ઓપનર શેફાલી વર્મા અને શ્વેતા સેહરાવતે 8.3 ઓવરમાં 111 રનની ભાગીદારી કરી હતી. UAEની બોલર નંદાકુમારની બોલિંગ દરમિયાન શેફાલી વર્માને મહિકા ગૌરે કેચ આઉટ કરીને બંનેની ભાગીદારી તોડી હતી. જો કે આઉટ થતા પહેલા શેફાલી વર્માએ પોતાનું કામ કરી લીધું હતું. જણાવી દઈએ કે શેફાલી વર્માએ પોતાની ઇનિંગમાં માત્ર 34 બોલમાં 12 ચોગ્ગા અને ચાર છગ્ગાની મદદથી 78 રન બનાવ્યા હતા.

ICC U19 WOMEN'S WC. India Women U19 Won by 122 Run(s) https://t.co/nXZNHLHqxj #INDvUAE #U19T20WorldCup

— BCCI Women (@BCCIWomen) January 16, 2023

રિચા ઘોષે પણ જીતમાં આપ્યો મોટો ફાળો 
UAE સામેની મેચમાં શેફાલીના આઉટ થયા બાદ શ્વેતા સેહરાવત અને રિચા ઘોષ વચ્ચે 89 રનની ભાગીદારી થઈ હતી. જણાવી દઈએ કે શ્વેતા અંત સુધી અણનમ રહી અને તેણે 49 બોલમાં અણનમ 74 રન બનાવ્યા હતાઆ જેમાં તેને 10 ચોગ્ગા પણ માર્યા હતા. સાથે જ રિચા ઘોષે 29 બોલમાં 49 રન બનાવ્યા હતા. ટીમ ઈન્ડિયાની બેટિંગ ઇનિંગ દરમિયાન આ ત્રણ બેટ્સમેનોની ધમાકેદાર ઇનિંગ્સના આધારે ભારતે 20 ઓવરમાં ત્રણ વિકેટ ગુમાવીને 219 રનનો મોટો સ્કોર બનાવ્યો હતો. 

UAEની ઇનિંગ્સની વાત કરીએ તો એ ટીમના બેટ્સમેનો પર ટીમ ઈન્ડિયા દ્વારા બનાવેલ આ મોટા ટાર્ગેટનું દબાણ સ્પષ્ટ દેખાતું હતું. UAEની ટીમની માહિકા ગૌરે સૌથી વધુ 26 અને લાવણ્યા કેનીએ 24 રનનું યોગદાન આપ્યું હતું.જણાવી દઈએ કે ભારત તરફથી પી. ચોપરા, મન્નત કશ્યપ, શબનમ એમડી અને ટી. સાધુએ એક-એક વિકેટ લીધી હતી.