મ્યુનિસિપલ કોર્પોરેશનના સત્તાવાળાઓ દ્વારા પીવાનું શુદ્ધ પાણી પૂરું પાડવામાં નિષ્ફળ નીવડતા શહેરીજનો પાણીજન્ય રોગચાળાના ઉપદ્રવથી પરેશાન છે. ચોમાસું વિદાય લઇ રહ્યું છે ત્યારે પણ શહેર પાણીજન્ય રોગચાળો ટાઇફોડના હવાલે થયું છે.
પ્રદુષીત પાણીથી થતા રોગો વધ્યા છે
ટાઈફોઈઢે તો માઝા મૂકી છે
ગયા વર્ષે પણ તેજ હતો રોગચાળો
ખુદ તંત્રના છેલ્લા ચાર મહિનાના ટાઇફોડના સત્તાવાર કેસના આંકડા જોતા શહેરમાં 2062 કેસ નોંધાયા છે. જ્યારે બિનસત્તાવાર કેસનો આંકડો ત્રણ થી ચાર ગણો હોઇ નવ હજારથી વધુ ટાઇફોડના દર્દી હોવાનું જાણવા મળ્યું છે.
પ્રદુષીત પાણીથી થાય છે ટાઈફોઈડ કોલેરા
શહેરમાં પાણી અને ગટરલાઇનનાં લીકેજથી તેમજ મોટરીંગ પ્રવૃત્તિ બેફામ વધવાથી પાણીજન્ય રોગચાળો વકર્યો છે તેમાં પણ ખાસ કરીને ટાઇફોડના ઘરે ઘરે દર્દી જોવા મળે છે. મ્યુનિસિપલ તંત્ર દ્વારા પીવાના પાણીના સેમ્પલ લેવાયાં બાદ તેની મ્યુનિસિપલ લેબમાં ચકાસણી કરાતા પાણીમાં ઇ-કોલી અને ટોટલ કોલીફોર્મ નામના બે બેકટેરિયા મળી આવે છે. આ બંને બેકટેરિયા આરોગ્ય માટે હાનિકારક હોઇ તેવું પાણી પીવાથી ટાઇફોઈડ અને કોલેરા ફેલાય છે.
ગયા વર્ષે શું હતો સિનારીયો
તંત્રના ગત જૂન, જુલાઇ, ઓગસ્ટ અને સપ્ટેમ્બર મહિનાના ટાઇફોડના સત્તાવાર કેસની વિગત જોતા જુનમાં 528, જુલાઇમાં 531, ઓગસ્ટમાં 430, અને સપ્ટેબરમાં 573 મળીને કુલ 2062 કેસ નોંધાયા હતા. વોર્ડવાઇઝ કોલેરાના કેસની વિગત તપાસતા વટવામાં સૌથી વધુ 475, અસારવા 287, ગોમતીપુર 193, અમરાઇવાડી 183, સરસપુર-રખિયાલ 170, બાપુનગર 145 અને લાંભા 126 કેસ નોંધાયા છે. જોકે બિનસત્તાવાર આંકડા જોતા વટવા વોર્ડમાં 1800 કેસ થયા હોવાનું ચર્ચાઇ રહ્યું છે.
ટાઈફોડની ઝોનવાઈઝ ગણતરી
ટાઇફોડની ઝોનવાઇઝ વિગત મુજબ વટવા, લાંભા, ઇસનપુર, ઇન્દ્રપુરી વોર્ડમાં, દક્ષિણ ઝોનમાં સૌથી વધુ ૬૪૫ કેસ નોંધાયા છે. પૂર્વ ઝોન, ઉત્તરઝોન અને મધ્યઝોનમાં પણ ટાઇફોડે હાહાકાર મચાવ્યો છે. દરમ્યાન તંત્ર દ્વારા ચાલુ વર્ષે 1 જાન્યુઆરી 2019થી ગત તા.31 ઓગસ્ટ 2019 સુધી લેવાયેલા કલોરિન નીલનાં પીવાનાં પાણીના એક લાખથી વધુ સેમ્પલમાં સ્વાભાવિકપણે દક્ષિણ ઝોનમાં કુલ 18795 સેમ્પલ પૈકી 1295 સેમ્પલમાં કલોરિન નીલ આવ્યું છે.
જોકે બેકટોરિયલ ટેસ્ટ લેવામાં તંત્ર બેદરકાર પુરવાર થયું છે
શહેર ટાઇફોડ જેવા પાણીજન્ય રોગચામાં સપડાયું છે તેમ છતાં બેકટોલોજિકલ ટેસ્ટની સંખ્યામાં 50 ટકા ઘટાડો થયો છે. આ માટે મ્યુનિસિપલ હેલ્થ વિભાગ, મ્યુનિસિપલ સોલિડ વેસ્ટ મેનેજમેન્ટ વિભાગ પર દોષનો ટોપલો ઢોળી રહ્યું છે.