જાણવા જેવુ / સાવધાન! ડાયાબિટીસના કારણે શરીરના આ અંગો પર પડે છે ગંભીર અસરો, જાણી લેશો તો થશે ફાયદો

• ડાયાબિટીસના દર્દીઓ શરીરના આ અવયવોનુ ખાસ ધ્યાન રાખે
• ડાયાબિટીસને રોકવા માટે હેલ્ધી ફૂડ હેબિટ્સને કરો ફૉલો
• ડાયાબિટીસમાં શરીરના આ અવયવો થાય છે પ્રભાવિત

ડાયાબિટીસ એક એવી બિમારી છે, જેનાથી ભારત જ નહીં, પરંતુ વિશ્વભરના લોકો સતત પ્રભાવિત થાય છે. વૈજ્ઞાનિકો હજી સુધી ડાયાબિટીસનો કાયમી ઉપચાર શોધી શક્યા નથી. એવામાં બચાવની સૌથી સારી રીત છે કે તમે તમારા બ્લડ શુગર લેવલને મેન્ટેન રાખો. જેના માટે એક સારી લાઈફસ્ટાઈલ અને હેલ્ધી ફૂડ હેબિટ્સને ફૉલો કરવા પડે છે. આવો જાણીએ એવા કયા કયા અવયવો છે, જેનો ખ્યાલ ડાયાબિટીસની બિમારીમાં વધુ રાખવો પડે છે.

ડાયાબિટીસમાં આ અવયવો હોય છે પ્રભાવિત

હાર્ટ

તમે વારંવાર જોયુ હશે કે ડાયાબિટીસના દર્દી હાર્ટની બિમારીનો પણ શિકાર થાય છે. જો તમને લાંબા સમયથી ડાયાબિટીસ છે તો હાર્ટની બિમારીઓનુ જોખમ રહે છે, કારણકે તમારી ધમનીઓમાં અવરોધ ઉભો થાય છે, જે આગળ જઇને હાર્ટ એટેકનુ કારણ બને છે. તેથી ડાયાબિટીસમાં તમારા હાર્ટનુ પણ ધ્યાન રાખવુ જરૂરી છે. 
 
કિડની

જે લોકો લાંબા સમયથી ડાયાબિટીસથી પ્રભાવિત છે, તેમને કિડનીની બિમારીનો પણ સામનો કરવો પડી શકે છે. આ જ કારણ છે કે સતત હાઈ બ્લડ શુગર  લેવલના કારણે કિડની સાથે જોડાયેલા નાના બ્લડ વેસેલ્સને નુકસાન પહોંચાડે છે અને તેમાં સોઝો આવવા લાગે છે. ઘણી વખત ક્રિએટિનિન ખતરનાક સ્તરે પહોંચી જાય છે અને તેનાથી કિડની ફેલ થવાનુ જોખમ વધી જાય છે. જો તમારી કિડની સારી રહેતી નથી તો બ્લડ ફિલ્ટરેશનની પ્રક્રિયા પર સીધી અસર પડશે. શરીરમાં ટૉક્સિસિટી વધશે જેનાથી ખરાબ અસર થવી નક્કી છે.

આંખો

ડાયાબિટીસમાં જો તમારું બ્લડ શુગર લેવલ હાઈ રહે છે તો તેના કારણે આંખ સાથે જોડાયેલી મુશ્કેલીઓ ઉભી થઇ શકે છે. ઘણા લોકોની તો આંખની રોશની પણ જતી રહે છે અને વિજન નબળુ થઇ જાય છે. ડાયાબિટીસથી પીડિત દર્દીઓના રેટિનામાં વધુ લિક્વિડ જમા થાય છે, જે ખતરનાક છે.