હિટ એન્ડ રન / રાજકોટમાં ટ્રક ચાલકે બાઈકને ફુટબોલની જેમ ફંગોળી દેતાં ક્ષત્રિય સમાજના બે યુવાનોના મોત

• બંને યુવાનો જામનગરના ક્ષત્રિય સમાજના હતા
• ટ્રકે ટક્કર મારીને બે જિંદગીઓ ઓલવાઈ ગઈ
• ટ્રકચાલક ઘટના બાદ ફરાર, પોલીસની શોધખોળ શરૂ

પ્રાથમિક માહિતી મુજબ બંને યુવાનો કોલેજથી પરત ફરી રહ્યા હતા. અને હોન્ડા સીડી ડોન GJ 10 AB 9350 નંબરની બાઈક પર સવાર હતા. તરઘડી ગામ નજીક હાઈવે પર પુરપાટ ઝડપથી આવતાં ટ્રક ચાલકે બાઈકને એકાએક ટક્કર મારી ને બે જિંદગીઓ ઓલવાઈ ગઈ. 

મૃતક યુવકો જામનગરના હોવાનું ખુલ્યું

મૃતક બંને યુવાનો મુળ જામનગર જિલ્લાના ઘ્રોલ ગામના ક્ષત્રિય સમાજના હોવાનું સામે આવ્યું છે. જેમનું નામ શક્તિસિંહ જાડેજા અને લકીરાજસિંહ ઝાલા છે. બંનેના મૃતદેહ હાલમાં પીએમ માટે ખસેડાયા છે. જોકે આ અકસ્માત બાદ ટ્રક મુકી ભાગી જનાર ટ્રકચાલકને પોલીસે શોધખોળ શરૂ કરી.