ઉત્તર પ્રદેશના મથુરા જિલ્લામાં શનિવારે એક દર્દનાક અકસ્માત સર્જાયો હતો. PUBG રમવા માટે બે યુવાનો ઘરે મોર્નિંગ વોક્નું કહીને ગયા હતા. ત્યાર બાદ તેમની સાથે એક કરુણ ઘટના બની હતી.
ઉત્તર પ્રદેશના મથુરા જિલ્લામાં શનિવારે એક દર્દનાક અકસ્માત સર્જાયો હતો. આ અકસ્માતમાં રેલવે ટ્રેક પર બેઠેલા બે યુવકો ટ્રેનની અડફેટે આવી જતાં મોતને ભેટ્યા હતા.
રેલવે ટ્રેક પર પબજી રમી રહ્યા હતા
માહિતી મળતા જ પોલીસ ઘટના સ્થળે પહોંચી હતી અને બંને યુવકોના મૃતદેહને પોસ્ટમોર્ટમ માટે મોકલવામાં આવ્યા હતા. સાથે જ પોલીસે આ મામલે તપાસ શરૂ કરી દીધી છે. કહેવામાં આવી રહ્યું છે કે બંને યુવકો રેલવે ટ્રેક પર બેસીને પબજી ગેમ રમી રહ્યા હતા. આ દરમિયાન ટ્રેનની અડફેટે આવી જતાં બંનેના મોત થયા હતા.
મોર્નિંગ વોક માટે ઘરેથી નીકળ્યા હતા.
પોલીસના જણાવ્યા અનુસાર આ ઘટના થાણા યમુનાપર વિસ્તારમાં પેટ્રોલ પંપ પાસે રેલવે ટ્રેક પર બની હતી. પોલીસે જણાવ્યું કે કાલિન્દ્રી કુંજના રહેવાસી રાહુલનો પુત્ર ગૌરવ, આશરે 16 વર્ષનો હતો અને સંજયનો પુત્ર આશરે 18 વર્ષનો હતો, એ બંને મોર્નિંગ વોક માટે ઘરેથી નીકળ્યા હતા.
ઘરથી લગભગ અડધો કિલોમીટર દૂર મથુરા કાસગંજ રેલ રોડ પર બેસીને બંને યુવકો કાનમાં ફોન લગાવીને પબજી ગેમ રમી રહ્યા હતા. આ દરમિયાન તેમને ટ્રેક પર આવતી ટ્રેનનો હોર્ન સંભળાયો ન હતો અને બંને ટ્રેનની અડફેટે આવી ગયા હતા. જેના કારણે બંનેના મોત થયા હતા.
મોબાઈલ ગેમના કારણે મૃત્યુ
યમુનાપર પોલીસ સ્ટેશનના ઈન્ચાર્જ શશિ પ્રકાશ શર્માએ જણાવ્યું કે અકસ્માતનું કારણ મોબાઈલમાં PUBG ગેમ રમવાનું છે. યુવકના હાથમાં જે મોબાઈલ હતો તે સંપૂર્ણ ક્ષતિગ્રસ્ત થઈ ગયો છે, જ્યારે અન્ય મોબાઈલમાં ગેમ ચાલતી હોવાનું જાણવા મળ્યું છે.
પોલીસની કાર્યવાહી શરૂ
પોલીસે જણાવ્યું હતું કે હાલ બંનેના મૃતદેહને પોસ્ટમોર્ટમ માટે મોકલી દેવામાં આવ્યા છે. આ સમગ્ર મામલે કાયદેસરની કાર્યવાહી હાથ ધરી છે.