પીએમ મોદીની 7 માર્ચની કોલકતાની રેલીમાં વધારે ભીડ દેખાડવાના ચક્કરમાં ભાજપના કેટલાક નેતાઓ તથા કેટલાક હરખપદૂડા ટેકેદારોએ કેટલીક જુની તસવીરો પોસ્ટ કરી નાખી.
હરખપદૂડા નેતાઓએ જુની તસવીરો કરી શેર
જુઠ પકડાઈ જતા સોશિયલ મીડિયા પર લોકોએ પાડી પસ્તાળ
ડાબેરી-કોંગ્રેસની રેલીને પીએમ મોદીની રેલી તરીકે ખપાવાઈ
ભાજપના કેટલાક હરખપદુડા ટેકેદારોએ આવી આવી જુની બે તસવીરો શેર કરીને એવી બડાઈ હાંકવા માડી કે પીએમ મોદીની રેલીમાં પ્રચંડ જનમેદની ઉમટી પડી છે. પંજાબ ભાજપ એકમના ફેસબુક પેજ દ્વારા પણ આવી એક જુની તસવીર શેર કરવામાં આવી અને પીએમ મોદીને ટાંકીને લખાયું કે મને રાજકીય જીવનમાં આવી પ્રચંડ જનમેદનને સંબોધન કરવાનુ સૌભાગ્ય મળ્યું છે પરંતુ મારા દીર્ઘકાલીન રાજકીય જીવનમાં આટલી મોટી પ્રચંડ જનમેદનને સંબોધવાનો અવસર તો આ પહેલા કદી પણ મળ્યો નથી.
ભાજપના તમિલનાડુ એકમ દ્વારા પણ આવી એક તસવીર શેર કરવામાં આવી. પરંતુ હકીકતમાં કેટલીક તસવીરો 2014 અને 2019 ની બ્રિગેડ પરેડ ગ્રાઉન્ડની રેલીની હતી જેને પીએમ મોદીની રેલી તરીકે ચલાવાઈ હતી.
જુની તસવીરો શેર કરીને નેતાઓ બડાઈ મારવા લાગ્યા પીએમ મોદીની કોલકાતા રેલીમાં પ્રચંડ જનમેદની ઉમટી પડી છે. પરંતુ હકીકતમાં આ તસવીરો કોંગ્રેસ-ડાબેરીની વર્ષ 2014 અને 2019 ની હોવાનું બહાર આવતા સોશિયલ મીડિયા પર ભાજપના નેતાઓ પર પસ્તાળ પડી હતી.
પ્રચંડ જનમેદની દર્શાવતી પીએમ મોદીની રેલીની તસીવરો સોશિયલ મીડિયા પર વાઈરલ થયા બાદ , ભાજપના નેતાઓ અને ટેકેદારોએ કેટલીક જુની તસવીરો પોસ્ટ કરીને પીએમ મોદીની રેલી તરીકે ખપાવી દીધી.