Wrestlers Protest / 'બૃજભૂષણે સ્તન અને પેટનો સ્પર્શ કર્યો, ઓફિસમાં કર્યું યૌન શોષણ', 2 રેસલર્સે આખો કાંડ કહ્યો, પોલીસ કેસ દાખલ

• દિલ્હીમાં 2 મહિલાઓએ બૃજભૂષણ સામે નોંધાવી હતી ફરિયાદ
• કહ્યું શ્વાસ ચેક કરવાનાં નામે પેટ-સ્તનને સ્પર્શ્યું છે
• 2016થી 2019 સુધીની 8 ઘટનાઓનો FIRમાં ઉલ્લેખ

સૂત્રો અનુસાર 7માંથી 2 મહિલા પહેલવાનોએ બૃજભૂષણ શરણસિંહની સામે નવી દિલ્હીનાં કનોટ પ્લેસ સ્ટેશનમાં 21 એપ્રિલનાં રોજ ફરિયાદ નોંધાવી હતી. આ બંને અલગ-અલગ ફરિયાદોમાં 8 ઘટનાઓનો ઉલ્લેખ કરવામાં આવ્યો છે. તેમાં ટૂર્નામેન્ટ દરમિયાન, વોર્મ અપ અને નવી દિલ્હી સ્થિત WFIનાં કાર્યાલયમાં પણ યૌનશોષણ અને દુરાચારની ઘટના, છેડછાડ અને અયોગ્ય શારીરિક સ્પર્શ અને સંપર્કની ઘટનાઓનો ઉલ્લેખ છે.

સ્તન અને પેટને સ્પર્શ્યું...
રિપોર્ટ અનુસાર જે 2 મહિલા પહેલવાનોએ બૃજભૂષણ શરણસિંહ સામે નવી ફરિયાદ કરી છે તેમાં કહેવામાં આવ્યું છે કે બૃજભૂષણે બંને મહિલા પહેલવાનોને અયોગ્ય રીતે સ્પર્શ કરી છે. ફરિયાદી પહેલવાનોએ જણાવ્યું કે બૃજભૂષણે તેમને શ્વાસ લેવા અને છોડવાની પેટર્નની ટેસ્ટિંગનાં બહાને પેટ અને સ્તનને સ્પર્શ્યું હતું. ઓળખ જાહેર ન કરવાની શરતે આ મહિલાઓએ જણાવ્યું કે બૃજભૂષણસિંહે તેમનું માનસિક અને શારીરિક શોષણ કર્યું છે.

2016 અને 2019ની ઘટનાઓનો FIRમાં ઉલ્લેખ
ફરિયાદી પહેલવાનોએ કહ્યું કે બૃજભૂષણસિંહે તેમના પર કરિયરમાં વિક્ષેપો ઊભા કરવાનું દબાણ મૂક્યું હતું તેથી તેઓ અત્યાર સુધી ચુપ હતી. પોતાની ફરિયાદમાં એક મહિલા રેસલરે તો યૌન ઉત્પીડનની ઓછામાં ઓછી 5 ઘટનાઓનો ઉલ્લેખ કર્યો છે. મહિલા પહેલવાન અનુસાર આ ઘટના 2016ની છે જેમાં એક ટૂર્નામેન્ટ દરમિયાન એક રેસ્ટોરેન્ટમાં બૃજભૂષણે તેના પેટ અને સ્તનને સ્પર્શ્યું હતું. તેના બાદ ટેબલ પર સાથે બેસવા માટે પણ કહ્યું હતું.

પોતાની ઓફિસમાં પણ કર્યાં છે કાળાકામ
રેસલરે ફરિયાદમાં લખાવ્યું કે આ ઘટના બાદ બીજી વખત આવો બનાવ 2019માં થયો હતો જેમાં અન્ય એક ટૂર્નામેન્ટ દરમિયાન બૃજભૂષણે તેના સ્તન અને પેટને સ્પર્શ્યું હતું. તેણે કહ્યું કે બૃજભૂષણે આવી જ વધુ એક હરકત પોતાના WFIનાં કાર્યાલયમાં પણ કરી હતી. બૃજભૂષણે પહેલવાનની મરજી વિના તેના ખભ્ભા અને જાંધને સ્પર્શ્યું હતું.