મધ્ય પ્રદેશના ઉજ્જૈન જિલ્લાના તરાના તાલુકામાં આવેતા કનાર્દી ગામમાં થોડા દિવસ અગાઉ એક મહિલાની હત્યા થઈ હતી. આ ઘટના પાછળનું સૌથી મોટો કાંડ પોલીસે બહાર લાવ્યો હતો.
દેરાણી-જેઠાણી એક જ યુવકને પ્રેમ કરતી
દેરાણીએ જેઠાણીને પતાવી દીધી
એક જ યુવક બંને મહિલાઓને સાચવતો
મધ્ય પ્રદેશના ઉજ્જૈન જિલ્લાના તરાના તાલુકામાં આવેતા કનાર્દી ગામમાં થોડા દિવસ અગાઉ એક મહિલાની હત્યા થઈ હતી. પોલીસે જણાવ્યું હતું કે, બે મહિલાઓ ભગવંતા બાઈ અને મધુબાઈ બંને દેરાણી-જેઠાણી છે. બંને એજ ગામના કિશન નામના એક યુવકની પ્રેમ કરતી હતી. પણ દેરાણીએ પ્રેમમાં આડી આવતી જેઠાણીને પ્રેમી સાથે મળીને પતાવી દીધી. પોલીસે આ હત્યાનો ખુલાસો કોલ ડિટેલના આધારે કર્યો છે.
દેરાણીએ પ્રેમી સાથે મળીને જેઠાણીને પતાવી દીધી
પોલીસ પ્રભારી ભીમ સિંહ પટેલે જણાવ્યું હતું કે, મૃતક ભગવંતા બાઈ અને તેની દેરાણી મધુબાઈ ગામના મોહનલાલ પાટીદારના ખેતરમાં કામ કરતી હતી. મોહનલાલના દિકરા કિશન અને ભગવંતા બાઈ વચ્ચે 6 મહિનાથી લફરું ચાલતુ હતું. પણ ત્રણ મહિના પહેલા કિશન અને મધુબાઈ વચ્ચે પણ ઈલુઈલુ શરૂ થયું. જ્યારે બંનેને આ વાતની જાણ થઈ તો, દરરોજ ઝઘડા થવા લાગ્યા.
આવી રીતે બનાવ્યો હત્યાનો પ્લાન
પોલીસે જણાવ્યું હતું કે, ભગવંતા બાઈ અને મધુબાઈએ ગામમાંથી લોન લીધેલી હતી. જેના હપ્તા ભરવા માટે કિશન બંને મહિલાઓને રૂપિયા આપતો હતો. આ વાતને લઈને દેરાણી અને જેઠાણીમાં ભારે વિવાદ થતો. પોલીસ પ્રભારીએ આગળ જણાવ્યું કે, પ્રેમી કિશન મધુબાઈ સાથે મળીને ભગવંતા બાઈના મોતનો પ્લાન બનાવ્યો. આ કામમાં દેરાણીના બનેવીના એક સંબંધી અને કિશનના મિત્રએ પણ સાથ આપ્યો. પાંચેયે ભેગા મળીને ભગવંતા બાઈને મોકો જોઈને રાતે ઘરે બોલાવી. જેઠાણી આવી તો, દરવાજો બંધ કરી પથ્થર વડે માથુ કચડી નાખ્યું અને મોતને ઘાટ ઉતારી દીધી.
કોલ ડિટેલથી ભાંડો ફૂટ્યો
પોલીસે જ્યારે ભગવંતા બાઈની હત્યાની તપાસ શરૂ કરી તો, જાણવા મળ્યું કે, બંને મહિલાઓ કિશન સાથે ખેતરમાં કામ કરતી હતી. એટલા માટે પોલીસે ભગવંતા બાઈની કોલ ડિટેલ કઢાવી, તો જાણવા મળ્યું કે, કિશન પાટીદાર સાથે દરરોજ વાત કરતી હતી. આ બાજૂ પોલીસ કિશનની કોલ ડિટેલમાં મધુબાઈનો નંબર પણ શોધી રહી હતી. પોલીસને બંને મહિલા સાથે રિલેશન હોવાની વાત ગામલોકોએ કરી હતી.
પોલીસે વાત બહાર કઢાવી
જ્યારે પોલીસે મધુબાઈની કોલ ડિટેલ કાઢી તો જાણવા મળ્યું કે, મધુબાઈ અને કિશન વચ્ચે હત્યા પહેલા ઘણી લાંબી વાતો થઈ હતી. આ ઉપરાંત મધુબાઈના બનેવી અને અન્ય એક શખ્સ જે હત્યામાં જોડાયેલ હતો, આ તમામ લોકોનું લોકેશન હત્યા સ્થળે મળ્યું. જે બાદ પોલીસે પાંચેય લોકોની ધરપકડ કરી, કડકાઈ સાથે પૂછપરછ કરતા સમગ્ર ભાંડો ફૂટ્યો હતો.