મધ્યપ્રદેશના ખંડવાની એક હોટલમાં બે મહિલાઓની વેઈટરના હાથે છેડતીનો એક કિસ્સો બન્યો છે.
મધ્યપ્રદેશના ખંડવાની હોટલમાં બે મહિલાઓ સાથે ગંદી હરકત
હોટલ વેઈટર અડધી રાતે બે મહિલા સાથે સુઈ ગયો
કરી ગંદી હરકત, પોલીસે આરોપીની કરી ધરપકડ
મધ્ય પ્રદેશની એક હોટલમાં બે મહિલાઓ સાથે ગંદી હરકતનો મામલો સામે આવ્યો છે. રવિવારે એક એનજીઓની બે મહિલા કર્મચારીઓની કથિત રીતે છેડતી કરવામાં આવી હતી. હોટલના વેઇટર પર તેમની સાથે ખોટું કામ કરવાનો આરોપ લગાવવામાં આવ્યો છે.
બારીમાંથી કૂદીને રુમમાં આવ્યો, મહિલાઓની સાથે સુઈ ગયો
22 વર્ષીય બલિરામ પર આરોપ છે કે તે બારીમાંથી મહિલાઓની રુમમાં ઘુસી આવ્યો હતો. તે સમયે અડધી રાત હતી. વેઈટર ચુપચાપ આવીને બે મહિલાઓ ભેગો સુઈ ગયો હતો અને ગંદી હરકત કરવા લાગ્યો હતો. આથી સુતેલી મહિલાઓ જાગી ગઈ હતી અને લાઈટ ચાલુ કરીને જોયું ત્યારે ખબર પડી કે તેમની સાથે કોઈ સુતું છે. આ જોઈને મહિલાઓ બૂમો પાડી હતી પરંતુ તેટલામાં તો આરોપી બલીરામ મુઠ્ઠીઓ વાળીને ભાગ્યો હતો પરંતુ જતાં જતાં રુમનો દરવાજ બંધ કરતો ગયો હતો. ત્યાર બાદ ગભરાયેલી મહિલાઓએ રિસેપ્શનમાં ફોન કર્યો હતો અને બનેલું કહી સંભળાવ્યું હતું. હોટલના સ્ટાફે દરવાજો ખોલ્યો અને ત્યારબાદ પોલીસને જાણ કરવામાં આવી. ત્યારબાદ હોટલના તમામ સ્ટાફને હોટલના ગ્રાઉન્ડ ફ્લોર પર કતારમાં ઉભા રાખવામાં આવ્યા હતા અને મહિલાઓએ આરોપીને ઓળખી લીધો હતો. પોલીસે આરોપી બલીરામની ભારતીય દંડ સંહિતાની કલમ 354 અને 458 હેઠળ ધરપકડ કરી હતી.
મહિલાઓ ભોપાલથી ખંડવાની હોટલમાં રુમ બુક કરાવી હતી
બંને પીડિતોની ઉંમર 35 અને 25 વર્ષની હોવાનું કહેવાય છે. બંનેએ ભોપાલથી તેમની સત્તાવાર મુલાકાત દરમિયાન હોટલમાં એક ઓરડો બુક કરાવ્યો હતો. જ્યાં તેમની સાથે આ ઘટના બની છે. જો કે, આરોપીની ધરપકડ કર્યા બાદ આગળની કાયદેસરની કાર્યવાહી હાથ ધરવામાં આવી રહી છે.