બીઆઇએસ એક્ટ 2016 હેઠળ હેલમેટને સુરક્ષિત બનાવવા માટે ફરજીયાત સર્ટિફિકેટનું નોટિફિકેશન 2 ઓગસ્ટ 2018માં જારી કરવામાં આવ્યું.
હેલમેટની ક્વૉલિટી સુધારવા માટે સરકાર એક મહત્વપૂર્ણ પગલું ભરી શરે છે. જલ્દી હેલમેટ ક્વોલિટીને બીઆઇએસ એક્ટ હેઠળ લાવી શકાય છે. એની પાછળનો ઉદ્દેશ હેલમેટની ક્વૉલિટી સુનિશ્વિત કરવો છે. આપણા દેશમાં દર વર્ષે 2 કરોડ હેલમેટ બને છે જેમાંથી 70 ટકા હેલમેટનું નિર્માણ નાની અને અસંગઠિત કંપનીઓ દ્વારા કરવામાં આવે છે. એવામાં સરકાર હેલમેટ માટે ISI માર્ક ફરજીયાત કરવા માટે એક નિયમની જાહેરાત કરવાની યોજના બનાવી રહી છે.
આ નિયમો 15 જાન્યુઆરીથી લાગૂ થવાના હતા પરંતુ પછી એને 15 એપ્રિલ અને પછી 15 જુલાઇ સુધી આગળ વધારી દેવામાં આવ્યો. જણાવી દઇએ કે ભારતમાં કુલ 219 કંપનીઓ છે. જેમાંથી માત્ર 9 એ જ જરૂરી સર્ટિફેકિશન પ્રાપ્ત કર્યા છે.
બીઆઇએસ એક્ટ 2016 હેઠળ હેલમેટને સુરક્ષિત બનાવવા માટે ફરજીયાત નોટિફિકેશન 2 ઓગસ્ટ 2018માં જારી કરવામાં આવ્યું. એને હેલમેટ્સ ઑર્ડર 2018નું નામ આપવામાં આવ્યું. જો કે આજ સુધી આ નોટિફાઇ થઇ શક્યું નથી અને ડ્રાફ્ટમાં જ છે.