રાજ્યના ઇતિહાસમાં પહેલી વાર ગઇકાલે વિધાનસભા ગૃહ મધરાત્રિ પછી પણ ચાલ્યું હતું. ત્યારે પાણીના થતાં બગાડ અટકાવવા રાજ્ય સરકારે મોટું પગલું ભર્યું છે. ત્યારે વિધાનસભામાં ઘરવપરાશ પાણી પુરવઠા સંરક્ષણ બિલ પાસ કરવામાં આવ્યું છે. આ બિલ પાણીનો ઉપાડ અને પાણી પુરવઠાની સુવિધાને થતુ નુકસાન અટકાવવા તૈયાર કરાયું છે.
પાણીનો ઉપાડ અને પાણી પુરવઠાની સુવિધાને નુકસાન થતુ અટાકવવા માટે રાજ્ય સરકારે બિલ રજૂ કર્યું હતું. વિધાનસભામાં બહુમતિ મળતા ઘરે-ઘરે પાણીના મીટરનું બિલ પસાર કરવામાં આવ્યું છે. જ્યારે ગુજરાત સિંચાઇ અને પાણી નિકાલ વ્યવસ્થા બિલ અને ઘર વપરાશ પાણી પુરવઠા બિલ આમ બે બિલ રજૂ કરવામાં આવ્યા હતા.
બિલમાં પાણીનો બગાડ કરનારને બે વર્ષ સુધીની કેદની સજા જોગવાઇ છે. ઉપરાંત 1 લાખનો દંડ અથવા નુકસાનની રકમની ભરપાઇ કરવી પડશે. સાથે જ પાણીનો હેતુફેર ઉપયોગ કરનારને રૂ. 20 હજાર સુધીની દંડની જોગવાઈ છે. જ્યારે અનધિકૃત જોડાણ કરનારને 3થી 20 હજાર રૂપિયાનો દંડ થશે. બલ્ક પાઇપ લાઇનમાં અનધિકૃત જોડાણ કરનારને 5 હજારથી 1 લાખનો દંડ ફટકારાશે.
પાણી પુરવઠા વ્યવસ્થામાં નુકસાન સંદર્ભે અધિકારી પુરાવા સાથે અહેવાલ તૈયાર કરવામાં આવશે. જે માટે રાજ્યમાં વોટર એપેલેટ ઓથોરિટીની પણ રચના કરાશે. વોટર એપેલેટ ઓથોરિટીને દીવાની કોર્ટ જેવી સત્તા અપાશે. રાજ્ય સરકાર જ ઓથોરિટીના અધ્યક્ષ અને સભ્યોની નિમણૂક કરશે.
ઉપરાંત પાણી ચોરી, અનધિકૃત જોડાણ અને વિતરણ વ્યવસ્થાના ગુના માટે વિશેષ કોર્ટની રચના કરાશે. પાણી ચોરી. અનધિકૃત જોડાણ અને વિતરણ વ્યવસ્થાના ગુના માટે વિશેષ કોર્ટની રચના થશે. ફર્સ્ટ ક્લાસ જ્યુડિશિયલ મેજિસ્ટ્રેટ અથવા મેટ્રોપોલિટન મેજિસ્ટ્રેની કોર્ટને વિશેષ કોર્ટ બનાવાશે.