જામનગર / ભૂચર મોરીના મેદાનમાં સ્થપાશે નવો રેકોર્ડ, 2 હજાર મહિલાઓ રમશે તલવાર રાસ

જામનગરના ધ્રોલમાં ભુચર મોરીના મેદાનમાં નવો રેકોર્ડ સ્થપાશે. જેમાં સાતમના દિવસે એટલે કે 23 ઓગસ્ટે રાજ્યની 2 હજાર મહિલાઓ એક સાથે, એક તાલે તલવાર રાસ રમશે અને શહીદ જવાનોને શ્રદ્ધાંજલિ આપશે. આ માટે રાજપૂત મહિલાઓ છેલ્લા એક માસથી તૈયારી કરી રહી છે. આ માટે કોરિયોગ્રાફર દ્વારા રાજયના 16 જીલ્લાના વિવિધ શહેરમાં તાલીમ આપવામાં આવી.. જેમાં મહેસાણા, પાટણ, સુરેન્દ્રનગર, કચ્છ, ગોંડલ, રાજકોટ, જામનગર, ધ્રોલ સહીતના શહેરનો સમાવેશ થાય છે. તાલીમાર્થી મહિલાઓ શુકવારે જામનગરના ધ્રોલમાં ભુચર મોરીના મૈદાનમાં તલવાર રાસ રમશે.