જમ્મૂ-કાશ્મીર / રાષ્ટ્રપતિ મેડલથી સમ્માનિત પોલીસ અધિકારી સહિત મજદૂર-ટ્રક ડ્રાઇવરની હત્યા કરનાર આતંકી ઝડપાયો

• રાષ્ટ્રપતિ મેડલથી સમ્માનિત જમ્મૂ-કાશ્મીર પોલીસ અધિકારીની ધરપકડ
• બે આતંકવાદીઓ સાથે એક ગાડીમાં મુસાફરી કરી રહ્યાં હતા
• સૂત્રોના જણાવ્યાં અનુસરા આતંકીઓ દિલ્હી જઇ રહ્યાં હતા

પોલીસ સૂત્રોના જણાવ્યાં અનુસાર આ આતંકીઓ દિલ્હી જઇ રહ્યાં હતા. સંવેદનશીલ શ્રીનગર આંતરરાષ્ટ્રીય એરપોર્ટ પર તહેનાત DSP દવિંદર સિંહની કુલગામ જિલ્લાના વનપોહમાં હિઝબુલ મુજાહુદ્દિનના આતંકી નવીદ બાબુ સાથે ધરપકડ કરવામાં આવી છે. 

નવીદ બાબૂ પર ઓક્ટોબર અને નવેમ્બર મહીનામાં દક્ષિણ કાશ્મીરમાં 11 ગેર-કાશ્મીરીઓની હત્યામાં સામેલ હોવાનો આરોપ છે જેમાં મજદૂર અને ટ્રક ડ્રાઇવર સામેલ હતા. 

ગત ઓગસ્ટ મહિનામાં જમ્મૂ-કાશ્મીરમાંથી વિશેષ રાજ્યનો દરજ્જો હટાવ્યા બાદ આ હત્યાઓને અંજામ આપવામાં આવ્યો હતો, જેને લઇને સફરજન ઉદ્યોગને નુકસાન પહોંચાડવામાં આવી શકે. 

પોલીસ સૂત્રોના જણાવ્યાં અનુસાર તેઓ નવીદ બાબુની પ્રવૃત્તિઓ પર નજર રાખી રહ્યાં હતા અને તેણે જ્યારે પોતાના ભાઇને ફોન કર્યો ત્યારે તેના ઠેકાણા અંગેની જાણકારી મળી ગઇ હતી. 

પોલીસે વનપોહમાં એક ગાડીને રોકતાં તેમાં હિજબુલ આતંકી જે એક પૂર્વ વિશેષ પોલીસ અધિકારી (SPO) પણ હતા, તેમની સાથે આસિફ અને DCP દવિંદર સિંહ મુસાફરી કરી રહ્યાં હતા. 

દવિંદર સિંહને ગત વર્ષે 15 ઓગ્સટના રોજ રાષ્ટ્રપતિ પોલીસ મેડલથી સમ્માનિત કરવામાં આવ્યાં હતા. દવિંદર સિંહ અને નવીદ બાબુની ધરપકડ બાદ પૂછપરછ કર્યા બાદ પોલીસે શ્રીનગર અને દક્ષિણ કાશ્મીરમાં ઘણી જગ્યાએ દરોડા પાડી મોટી માત્રામાં હથિયાર અને દારૂગોળો જપ્ત કર્યાં.