જમ્મુ કાશ્મીરમાં સુરક્ષાદળોએ અડથડામણ બાદ આતંકવાદી સંગઠન લશ્કર-એ-તૈયબાના બે આતંકીઓની ધરપકડ કરી હતી.
લશ્કર-એ-તૈયબાના બે આતંકીઓની ધરપકડ
દારૂખાના સાથે 2.90 લાખ મળી આવ્યા
જાણો કઈ રીતે ઝડપાયા
સુરક્ષા દળોએ રવિવારે દક્ષિણ કાશ્મીરના શોપિયાં જિલ્લામાં અડથડામણ બાદ આતંકવાદી સંગઠન લશ્કર-એ-તૈયબાના બે આતંકીઓની ધરપકડ કરી હતી. તેમની પાસેથી એક ચાઈનીઝ પિસ્તોલ, એક પિસ્તોલ, બે ચાઈનીઝ ગ્રેનેડ, આઠ ગોળીઓ અને રૂ. 2.90 લાખ મળી આવ્યા છે. બે દિવસમાં લશ્કરના ત્રણ આતંકવાદીઓ ઝડપાયા છે. એક દિવસ પહેલા શનિવારે ફેબ્રુઆરી 2021થી સક્રિય લશ્કરનો આતંકવાદી અબ્દુલ હમીદ નાથ બડગામમાંથી ઝડપાયો હતો.
Jammu and Kashmir | Two Lashkar-e-Taiba terrorists were arrested in a joint operation by police and security forces in Shopian and recovered a huge cache of arms and ammunition from their possession, an official release said.
ડુમવાની ગામમાં ઘેરાબંધી
પોલીસે કહ્યું કે આતંકવાદીઓની હાજરીની માહિતીના આધારે, રામબી અરાહ પાસેના ડુમવાની ગામમાં ઘેરાબંધી અને સર્ચ ઓપરેશન શરૂ કરવામાં આવ્યું હતું. એવી માહિતી મળી હતી કે સક્રિય આતંકવાદી શાહિદ અહમદ ગૈની, જે ડૂમવાનીનો રહેવાસી છે, તેના પાર્ટનર સાથે છુપાયેલો છે.
ભાગવાનો પ્રયાસ કર્યો
જ્યારે સુરક્ષા દળો શંકાસ્પદ સ્થળ પર પહોંચ્યા તો આતંકીઓએ ફાયરિંગ કરીને ભાગવાનો પ્રયાસ કર્યો. પરંતુ સૈનિકોએ જવાબી કાર્યવાહી કરીને બંનેની ધરપકડ કરી હતી. ધરપકડ કરાયેલા બીજા આતંકવાદીની ઓળખ પિંજુરાના રહેવાસી કિફાયાત અયુબ તરીકે થઈ છે.