બ્યૂટી ટિપ્સ / સરળ ચીજોથી ઘરે જ બનાવી લો હેરકેર માટેના 2 ખાસ શેમ્પૂ, મળશે પરફેક્ટ રીઝલ્ટ

• ઘરે બનાવી લો આ 2 કમાલના શેમ્પૂ
• વધશે વાળનો ગ્રોથ અને શાઈન
• જાણો કઈ ચીજોથી સરળ રીતે ઘરે બનાવશો આ શેમ્પૂ

આજકાલ ગરમીની સીઝન હોવાના કારણે લોકો પોતાના વાળની કેર ખૂબ જ વધારે કરતા હોય તેવું જોવા મળી રહ્યું છે. જો તમે ઓછા ખર્ચે વાળને શાઈની અને સિલ્કી બનાવવા ઈચ્છો છો તો આ 2 ઘરેલૂ શેમ્પૂ તમારી મદદ કરી શકે છે. તમે પણ ઓછા ખર્ચે તેને ઘરે જ બનાવી શકો છો. આ શેમ્પૂની ખાસિયત છે કે તે કેમિકલ ફ્રી હોવાના કારણે વાળ પર તેની કોઈ નેગેટિવ અસર થતી નથી અને સાથે જ તેનું બરછટ પણું પણ દૂર થાય છે. 

તમે તમારા વાળની કેર કરવા માટે શેમ્પૂની સાથે સાથે તેને કોમ્બિંગ કરવાની અને વાળને ધોવાની રીત પર પણ ધ્યાન આપો તે જરૂરી છે. વાળને શ્વાસ લેવા દો અને સાથે તેને સાવધાની સાથે યૂઝ કરો તે જરૂરી છે. હેર કેરમાં સ્કેલ્પની દેખરેખ કરવાનું મહત્વનું હોય છે. જો તમે તેમાં કોઈ ગરબડ કરો છો તો તમારા વાળ ખરાબ થઈ શકે છે.

આ ખાસ રીતે બનાવી લો તમારા વાળ માટે 2 પ્રકારના શેમ્પૂ ઘરે જ 

નારિયેળના દૂધવાળું શેમ્પૂ

સામગ્રી
1 કપ નારિયેળનું દૂધ
પા કપ ચોખાનું પાણી
2 મોટા ચમચા ભૃંગરાજ પાવડર 
 
રીત
બધી સામગ્રીને સારી રીતે એક વાટકામાં મિક્સ કરી લો, આ વસ્તુઓથી તમારા વાળને ભીના કરી લો. ગંદગી અને તેમાં જામી ગયેલો મેલ હટાવવા માટે તમે તેનાથી સ્કેલ્પને ઘસીને સાફ કરો અનને વાળને હથેળીમાં મસળી લો. પછી તેને ઠંડા પાણીથી ધોઈ લો.

ઈંડાનું શેમ્પૂ

સામગ્રી
1 ઈંડુ
1 મોટી ચમચી મેથી પાવડર
1 મોટી ચમચી પાતળું એપલ સાઈડર વિનેગર
2 મોટા ચમચા બદામનું તેલ

રીત
સૌ પહેલા એક બાઉલ લો અને તેમાં આ બધી સામગ્રી મિક્સ કરીને બરોબર રીતે હલાવી લો. આ મિશ્રણને વાળના મૂળથી છેડા સુધી લગાવો. 10 મિનિટ  સુધી વાળને એમ જ રહેવા દો. આમ કરવાથી ડેન્ડ્રફ- પ્રોન સ્કેલ્પને શાંત કરે છે અને પોષણ આપવા માટે તમે તેને ઠંડા પાણીથી વોશ કરી લો.