કોરોનાના ફેલાયેલા ખૌફથી સમગ્ર દુનિયાના તમામ ઘરો બંધ છે. સરકાર પણ લોકોને ઘરમાં રહેવાની અપીલ કરી રહી છે. એવામાં બેગૂસરાયના એક પરિવારે લોકડાઉનમાં એક નવું ઉદાહરણ પુરું પાડ્યું હતું.
કોરોનાના કહેર વચ્ચે યોજાયા અનોખા લગ્ન
2 બહેનોએ ઓનલાઇન કર્યા લગ્ન
લોકોડાઉન વચ્ચે સમાજને ચિંધ્યો રાહ
આ પરિવારે પોતાની 2 દીકરીઓના લગ્ન ઓનલાઇન કરાવીને લોકોને સાચા અર્થમાં લોકડાઉનનું મહત્વ સમજાવ્યું હતું. આ દરમિયાન દુલ્હન બેગૂસરાયમાં હતી અને વરરાજા ગયા અને નાલંદામાં હતા. જો કે, આ લગ્ન દેશભરમાં ચર્ચાનો વિષય બન્યા છે.
25 માર્ચના રોજ નક્કી કરાઇ હતી લગ્નની તારીખ
બેગૂસરાયના નાની બલિયા મિદહટોલીના રહેવાસી મોહમ્મદ વલી અહમદ કુરેશીની 2 દીકરીઓ નગમા પરવીન અને રાહત પરવીનના લગ્ન 25 માર્ચના રોજ નક્કી કરવામાં આવ્યા અને તે જ દિવસે જાન આવવાની હતી. પરંતુ કોરોના વાયરસના લોકડાઉનની જાહેરાત થઇ તો આ સમયગાળામાં જાન આવી શકે તેમ નહોંતું અને લગ્ન ટાળવાની નોબત આવી.
ઓનલાઇન નિકાહની કરાઇ વ્યવસ્થા
ચિંતામાં પડેલા દીકરા અને દીકરીના પક્ષોએ નિર્ણય કર્યો કે લગ્ન તો યોજાઇને જ રહેશે. કોરોનાના કહેરની વચ્ચે જાન લઇ જવી અશક્ય હતી. અંતે બંન્ને પક્ષોએ ઘરમાં રહીને જ ઓનલાઇન લગ્નનો નિર્ણય કર્યો અને બુધવારે ઓનલાઇન નિકાહની વ્યવસ્થા કરવામાં આવી. કુરેશીની પુત્રી નગમા પરવીનના લગ્ન નાલંદાના શમશાદ અને બીજી દીકરી રાહત પરવીનના લગ્ન શાહનવા આલમ સાથે યોજાયા.
રદ્દ કરવામાં આવી 400 લોકોની દાવત
આપને જણાવી દઇએ કે, આ ખાસ અવસર પર 400 લોકોનો ભોજન સમારંભ યોજાવાનો હતો પરંતુ લોકડાઉનને કારણે તે મુલતવી રાખવામાં આવ્યો. જો કે, આ બે સગી બહેનોના લગ્ન સોશિયલ મીડિયા પર ચર્ચાનો વિષય બન્યા છે.