જૂનાગઢ મૂળ વતની બે સગી બહેનોએ ઈઝરાયલમાં ડંકો વગાડ્યો, નિશ અને રિયા નામની સગી બહેનો ઈઝરાયલની આર્મીમાં જોડાઈ
ગુજરાતની દીકરીઓએ નામ કર્યું રોશન
ઈઝરાયેલની આર્મીમાં જોડાઈ 2 દીકરી
નિત્સા અને રીટા આર્મીમાં જોડાઈ
જૂનાગઢ જિલ્લાના માણાવદરના એક ગામના વતનની બે દિકરીઓએ ફરી દેશનું નામ રોશન કર્યું છે. માણાવદરના મૂળ વતની બે સગી બહેનોએ ઈઝરાયલમાં ડંકો વગાડ્યો છે. નિશા અને રિયા નામની સગી બહેનો ઈઝરાયલની આર્મીમાં જોડાઈ છે. જેમાં નિશા ઈઝરાયલની આર્મીમાં યુનિટ હેડ છે. અને રિયા હજુ કમાન્ડોની ટ્રેનિંગ લઈ રહી છે. અને ટ્રેનિંગ પૂરી થયા બાદ રિયાને પણ પોતાની બહેન સાથે ઈઝરાયલની સેનામાં સ્થાન પ્રાપ્ત થશે. આ રીતે બંને બહેન દુનિયાની સૌથી શક્તિશાળી સેનામાં જોડાવવાની સાથે પોતાના દેશનો પણ દંડો વગાડશે.
આ બંને બહેનોનો પરિવાર જૂનાગઢના માણાવદર તાલુકાના કોઠડી ગામનો રહેવાસી છે. તેમના પિતા અને કાકા બંને થોડા વર્ષો અગાઉ ઈઝરાયલમાં નોકરી માટે પહોંચ્યા હતા. જે બાદ તેમનો પરિવાર તેલ અવીવમાં વસાવાટ કરી રહ્યો છે. અને ત્યાં સ્ટોરની કામગીરી કરી રહી રહ્યા છે. આ વિસ્તારમાં અનેક અન્ય ગુજરાતી પરિવાર પણ વસવાટ કરે છે.
નિશા મુળિયાસિયા ઈઝરાયલની સેનામાં જોડાનારી પ્રથમ ગુજરાતી યુવતી બની ગઈ છે. અને તે ઈઝરાયલી સેનાના ડિપાર્ટમેન્ટ ઓફ કમ્યુનિકેશન એન્ડ સાઈબર સિક્યુરીટી વિભાગમાં કાર્યરત છે. તો રિયા ધો.12 પછી સેનામાં જોડાઈ છે. અને તે હાલમાં સેનાની પ્રી-સર્વિસમાં છે. ત્રણ મહિનાની ટ્રેનિંગ પછી તેને સેનાલક્ષી પરીક્ષા આપવાની રહેશે. અને જે પછી તેને પણ ઈઝરાયલની સેનામાં પોસ્ટિંગ મળી જશે.
ઈઝરાયલ અને ફિલિસ્તીન સંગઠન હમાસ વચ્ચે 10 મેથી શરૂ થયેલી લડાઈ 21 મેના દિવસે અંત આવ્યો છે. આ દરમિયાન ઈઝરાયલની સેનામાં જોડાયેલી યુવતીઓએ પણ પોતાની જાનની બાજી લગાવી દીધી હતી. અને હમાસ પર રોકેટથી હુમલાઓ કરી અનેક ઠેકાણાને નષ્ટ કરી દીધા હતા.