દહેશત / સુરતની બે શાળાઓ આ કારણે તાબડતોબ કરાઇ બંધ, વિદ્યાર્થીમાં ફફડાટ તો પ્રશાસન દોડતું થયું

• સુરતની બે શાળાઓમાં કોરોના 
• બે અલગ-અલગ શાળાના વિદ્યાર્થીઓ 
• શાળાઓ એક અઠવાડીયા માટે બંધ 

દેશભરમાં 100 કરોડ નાગરિકોએ વેક્સીન ગ્રહણ કર્યાના સમાચારની શાહી સુકાઈ નથી ત્યાં જ ગુજરાતના દક્ષિણ વિસ્તાર સુરતમાં શાળાના બે વિદ્યાર્થીઓ કોરોના પોઝીટીવ મળી આવતા વિધાર્થીઓમાં દહેશત ફરી વળી છે. 

અઠવા લાઈન્સ વિસ્તારની શાળાઓ  

ગુજ્રરાતમાં શુક્રવારે કોરોનાના 25 કેસ સામે આવ્યા છે.ત્યારે સુરતના અઠવા લાઈન્સ વિસ્તારની બે જુદી-જુદી શાળાના બે બાળકો કોરોના પોઝીટીવ સામે આવતા બંને  શાળાણે એકલ સપ્તાહ માટે બંધ કરવાના આદેશ અપાયા છે. સુરતના અઠવા લાઈન્સ વિસ્તારની એક્સપરિમેન્ટલ સ્કૂલ  અને અગ્રવાલ વિદ્યાવિહારના બે બાળકોને કોરોના સંક્રમ થયાની માહિતી મળતા જ શાળાએ જતા અન્ય વિધાયર્થીના વાલીગણમાં ચિંતા પ્રસરી છે.આ બંને શાળાઓને એક અઠવાડીયા સુધી બંધ કરી દેવા આદેશ અપાયા છે. 

ગુરુવારે કલાસીસમાં આવ્યા હતા કેસ 

ગુજરાતમાં હાલ કોરોના સંક્રમણ કાબૂમાં છે પરતું લાગી રહ્યું છે કે હવે કેસ વધી રહ્યા છે રાજ્યમાં હજુ પણ કોરોના કેસ એક્ટિવ છે ત્યારે સુરતના ન્યૂ સિટી લાઈટ વિસ્તારમાં કોરોનાના નિયમોનું નેવે મુકીને ક્લાસીસ ચાલી રહ્યા છે, મહત્વનું છે કે સુરતમાં છેલ્લા 5 દિવસમાં 7 વિદ્યાર્થીઓનો રિપોર્ટ પોઝિટિવ આવ્યા છે.

જેને લઈ આ વિસ્તારમાં આવેલી જ્ઞાનવૃદ્ધિ ક્લાસીસને તંત્ર દ્વારા હાલ 14 દિવસ માટે બંધ કરી દેવામાં આવી છે.એટલું જ નહીં તંત્રએ 124 વિદ્યાર્થીઓના ટેસ્ટિંગ માટેની પણ કાર્યવાહી હાથ ધરી છે. 

પાલિકા દ્વારા અગાઉ મેગા વેક્સિનેશન કેમ્પનું આયોજન

શહેર અને જિલ્લામાં ધીમા પગલે કોરોના સંક્રમણ આગળ વધી રહ્યું છે. ત્યારે કોરોનાને કાબૂમાં રાખવા માટે મહાનગરપાલિકા દ્વારા વેક્સિનેશનની કામગીરી તેજ કરવામાં આવી છે. સુરત મહાનગર પાલિકા દ્વારા અગાઉ મેગા વેક્સિનેશન કેમ્પનું આયોજન કરાયું હતું. ઝડપથી શહેરીજનોને બન્ને ડોઝ વેક્સિનના મળી રહે તે માટે કામગીરી હાથ ધરવામાં આવી છે. જેમાં આજે 28 સેન્ટર પર પ્રથમ ડોઝ,70 સેન્ટર પર બીજો ડોઝ અને 2 વિદેશ જનારા લોકો માટે તથા 37 સેન્ટર પર એપોઈન્ટમેન્ટથી રસી અપાઈ રહી છે. 10 સેન્ટર પર કોવેક્સિનની રસી અપાઈ રહી છે.