જૂનાગઢમાં નશાની હાલતમાં પોલીસકર્મીનો વીડિયો વાયરલ થયો છે. આ વીડિયોમાં નશાની હાલતમાં પોલીસકર્મીએ રસ્તાની વચ્ચે 2 શખ્સો સાથે માથાકૂટ કરી હતી. સાદા ડ્રેસમાં પોલીસકર્મીએ રસ્તા પર લોકોને ધમકાવ્યા હતા. નશાની હાલતમાં પોલીસકર્મીએ અન્ય એક યુવકની સાથે બાઈક અથડાવી હતી.
બાઈક અથડાવ્યા બાદ નશાની હાલતમાં પોલીસકર્મીએ માથાકૂટ કરી. રસ્તા પર માથકૂટ કર્યા બાદ પોલીસકર્મી બાઈક લઈને ફરાર થયા હતા. આ વીડિયોમાં બાઈક પર આર્મી લખ્યુ હોવાનું દેખાઈ રહ્યુ છે.
#Junagadh મા નશાની હાલતમાં #Police કર્મીનો વીડિયો #Viral
નશાની હાલતમાં માથાકૂટ કરતા બે શખ્સોનો વીડિયો વાયરલ
ધાક ધમકી આપતો સાદા ડ્રેસમા પોલીસકર્મીઓ
નશાની હાલતમાં પોલીસકર્મીએ અન્ય યુવકની સાથે બાઇક અથડાવી
બાઇક અથડાવી માથાકૂટ કરી બાઇક લઈ ફરાર pic.twitter.com/JDO26DXdBt
આ સાથે જ એક શખ્સની કમર પર પિસ્તોલ પણ લટકતી જોવા મળે છે. આ પોલીસકર્મીઓનો વીડિયો વાયરલ થયા બાદ પોલીસ વિભાગ દ્વારા શું કાર્યવાહી કરાશે તે આગામી દિવસોમાં જોવાનું રહેશે.
આ મામલે મળતી વિગતો મુજબ નશામાં ચકચૂક બનેલા 2 પોલીસકર્મીઓએ એક વાહન ચાલક સાથે બાઇક અથડાવી હતી જો કે યુવકે બોલાચાલી કરતા આ પોલીસકર્મીઓએ યુવક સાથે માથાકૂટ કરીને બોલાચાલી કરી હતી. જો કે આ ઘટનાને લઇને આસપાસના લોકો એકઠા થતાં સમગ્ર બોલાચાલીનો એક VIDEO ઉતારવામાં આવ્યો હતો.