અમદાવાદ / લાંચીયા પોલીસકર્મીઓ સામે ACBની લાલઆંખ, છટકું ગોઠવી 2 જણાને રંગે હાથ ઝડપી પાડ્યા

• ખાડિયા વિસ્તારના 2 પોલીસકર્મીઓ લાંચ લેતા ઝડપાયા 
• ACBએ રંગેહાથ બંનેને છટકું ગોઠવીને ઝડપી પાડ્યા
• 5100 રૂપિયાની લાલચમાં બંનેએ પોતાની નોકરી ગુમાવી 

રાજ્યમાં લાંચિયા પોલીસ કર્મીઓ સામે હવે એસીબી આંખ લાલ કરી છે. એસીબી દ્વારા હવે અવાર નવાર લાંચીયા પોલીસ કર્મીઓને છટકું ગોઠવીને ઝડપી પાડવામાં આવે છે. ત્યારે વધુમાં અમદાવાદમાં ફરી 2 લાંચીયા પોલીસકર્મીઓની પોલીસે ધરપકડ કરી છે. જેમા ACBએ બંનેને લાંચ લેતા રંગેહાથ ઝડપી પાડ્યા છે. 

એસીબીએ રંગેહાથ ઝડપી પાડ્યા 

અમદાવાદના ખાડિયા વિસ્તારમાંથી એસીબીએ બે લાંચિયા અધિકારીઓને ઝડપી પાડ્યા છે. જેમા છટકું ગોઠવીને એસીબી દ્વારા બંને બંનેને ઝડપી પાડ્યા હોવાનું સામે આવ્યું. બંને પોલીસકર્મીઓને પોતાની કરતૂતને કારણે હાલ  નોકરી ગુમાવાનો વારો આવ્યો છે. 

છટકું ગોઠવીને બંનેને ઝડપી પાડ્યા 

લાંચીયા પોલીસકર્મીઓના નામ જયેન્દ્રસિંહ ચૌહાણ અને સાહીલ મિર્ઝા હોવાનું સામે આવ્યું છે. આ બંનેએ ફરીયાદી પાસેથી તપાસ કરવાને અર્થે લાંચ માગી હતી. જેથી ફરિયાદીએ આ મામલે એસીબીને જાણ કરી હતી. એસીબીને આ મામલે જાણ થતાજ તેમણે બંનેને ઝડપી પાડવા માટે છટકું ગોઠવ્યું હતું. જેમા બંનેને રંગેહાથ ઝડપી પાડવામાં આવ્યા છે. 

તપાસ કરવા માગી હતી 5100 રૂપિયાની લાંચ 

ઉલ્લેખનીય છે કે ફરિયાદીના કહેવા પ્રમાણે લાંચીયા પોલીસકર્મીઓએ તેમની પાસેથી 5100 રૂપિયાની લાંચ માગી હતી. જે રકમ તેમણે જેવી લીધી કે એસીબી દ્વારા તેમને ઝડપી પાડવામાં આવ્યા હતા. બંનેને 5100 રૂપિયા જેટલી નજીવી રકમને કારણે હાલ પોતાની નોકરી ગુમાવાનો વારો આવ્યો છે.