IPLની કમાણીથી અબજોપતિ બની ગયા છે ધોની-રોહિત વિરાટ રહી ગયો પાછળ

ઇન્ડિયન પ્રીમિયર લીગ (IPL)ને શરૂ થયે 11 વર્ષથી વધુ સમય થઇ ચુક્યો છે. IPLએ અત્યાર સુધી કેટલાક ખેલાડીઓને લખપતિ અને કરોડપતિ બનાવ્યા છે પરંતુ ક્રિકેટ જગતમાં એવા માત્ર 2 ખેલાડી છે જે અરબપતિ પણ બન્યા છે.

એક રિપોર્ટ અનુસાર ચેન્નાઇ સુપરકિંગ્સના કેપ્ટન મહેન્દ્રસિંહ ધોનીનું નામ આ યાદીમાં પ્રથમ નંબર પર છે. ધોનીના નેતૃત્વમાં ચેન્નાઇ સુપરકિંગ્સ ત્રણ વખત IPLનું ટાઇટલ પોતાના નામે કરી ચુક્યુ છે. ધોનીએ ગત IPL સુધી સેલેરી તરીકે 107.8 કરોડ રૂપિયાની કમાણી કરી છે.

- આ મામલે ધોની પાછળ મુંબઇ ઇન્ડિયન્સનો કેપ્ટન રોહિત શર્મા છે. રોહિત શર્માએ પણ મુંબઇ ઇન્ડિયન્સને ત્રણ વખત IPLનું ટાઇટલ જીતાડ્યું છે. રોહિત શર્મા મુંબઇ ઇન્ડિયન્સ પહેલા ડેક્કન ચાર્જસ માટે પણ રમી ચુક્યો છે.

- મહત્વપૂર્ણ છે કે 2 વર્ષના પ્રતિબંધ બાદ ચેન્નાઇ સુપરકિંગ્સ ગત સિઝનમાં ચેમ્પિયન બન્યું હતું. ધોનીને જ્યારે ટીમમાં રીટેન કરવામાં આવ્યો ત્યારે તેને સેલેરી તરીકે 15 કરોડ રૂપિયા આપવામાં આવ્યા હતા. આ રીતે ધોનીની સેલેરીમાં 150 % નો વધારો થઇ ગયો હતો.

- એવુ માનવામાં આવે છે કે આ યાદીમાં હવે ધોની અને રોહિત શર્મા બાદ રોયલ ચેલેન્જર્સ બેંગલુરૂના કેપ્ટન વિરાટ કોહલીનું નામ પણ સામેલ થવાનું છે. વિરાટ કોહલી IPLની 11 સિઝન RCB માટે જ રમ્યો છે અને આગામી સિઝન માટે પણ તે RCB સાથે જોડાયેલો છે.

ધોની-રોહિત શર્માનું IPLમાં પ્રદર્શન:

- એમએસ ધોની અને રોહિત શર્મા આઇપીએલમાં પોતાની ટીમને ત્રણ-ત્રણ વખત ચેમ્પિયન બનાવી ચુક્યા છે.

- એમએસ ધોનીએ 175 IPL મેચમાં 4016 રન બનાવ્યા છે. આ દરમિયાન તેને 20 અડધી હાફ સેન્ચુરી ફટકારી છે. ધોનીનો સર્વશ્રેષ્ઠ સ્કોર 79 રન છે.

- રોહિત શર્માએ 173 IPL મેચમાં 4493 રન બનાવ્યા છે. આ દરમિયાન તેને 20 હાફ સેન્ચુરી અને 1 સેન્ચુરી ફટકારી છે. રોહિત શર્માનો સર્વશ્રેષ્ઠ સ્કોર 109 રનનો છે. રોહિત શર્મા
IPLમાં 184 સિક્સર પણ ફટકારી ચુક્યો છે.