ક્રિકેટ / T20 વર્લ્ડ કપ પહેલા પાકિસ્તાનને લાગ્યો 440 વૉટનો ઝટકો, એશિયા કપનાં સૌથી સારા બે ધુરંધર ખેલાડીઓ ઇજાગ્રસ્ત

• પાકિસ્તાને કરી દીધી છે ટી20 વર્લ્ડ કપ માટે ટીમની ઘોષણા 
• શાહીન આફ્રીદીએ કરી વાપસી 
• ફખર ઝમાં અને મોહમ્મદ રીઝવાન થયા ઈજાગ્રસ્ત 

પાકિસ્તાને કરી દીધી છે ટી20 વર્લ્ડ કપ માટે ટીમની ઘોષણા 

પાકિસ્તાન ક્રિકેટ બોર્ડે આવતા મહિને થનાર ટી20 વર્લ્ડ કપ 2022 માટે પોતાની 15 સદસ્યોની ટીમની ઘોષણા કરી દીધી છે. પીસીબીએ બાબર આઝમને કેપ્ટન અને શાદાબ ખાનને ઉપકપ્તાન બનાવ્યા છે. ટીમમાં ફાસ્ટ બોલર શાહીન આફ્રિદીની વાપસી થઈ છે. શાહીન આત્યારે લંડનમાં રિહેબ પર છે. પાકિસ્તાનની વર્લ્ડ કપ ટીમમાં 5 એવા ખેલાડીઓ છે, જે ઇજાગ્રસ્ત થયા છે. આમાંથી બે તો ફખર ઝમાં અને મોહમ્મદ રિઝવાન  છે.  

શાહીન આફ્રીદીએ કરી વાપસી 

જ્યારે શાહીન આફ્રીદી, શાદાબ ખાન અને શાહનવાઝને લઈને નિશ્ચિંત ન રહી શકાય. તેઓ ઈજાથી ઠીક તો થઇ ચુક્યા છે, પણ સંપૂર્ણ રીતે ફીટ નથી. શાદાબને ઉપકપ્તાની આપવામાં આવી છે, પણ સીલેક્ટર્સ તેમને પસંદ કરતા સમયે સપૂર્ણ રીતે સંતુષ્ટ જોવા મળ્યા ન હતા. શાહીન અને દહાનીની હાલત પણ કંઈક આવી જ છે. 

Medical update on Fakhar Zaman and Shaheen Afridi

Details here ⤵️ https://t.co/5ysG4GIewc

— PCB Media (@TheRealPCBMedia) September 15, 2022

ફખર રીહેબ માટે પહોંચ્યા લંડન 
પીસીબીએ એક નિવેદન આપ્યું છે, જેમાં જણાવવામાં આવ્યું છે કે ફખર ઝમાંને રીહેબ માટે લંડન મોકલવામાં આવ્યા છે. તેઓ જલ્દી જ ફિલ્ડ પર પાછા ફરશે અને વર્લ્ડ કપ માટે ટીમ સાથે જોડાશે. 

એશિયા કપનાં હીરો રીઝવાન પર પણ લટકી તલવાર 
એશિયા કપમાં સતત પોતાના દમ પર પાકિસ્તાની ટીમને ફાઈનલ સુધી પહોંચાડનાર વિકેટકીપર બેટ્સમેન મોહમ્મદ રીઝવાન પર પણ વર્લ્ડ કપથી બહાર થવાની તલવાર લટકાયેલ છે. એશિયા કપ દરમિયાન તેમને ડાબા ઘૂંટણ પર ઈજા થઇ હતી, જે હવે  તકલીફ આપી રહી છે. રીપોર્ટસ અનુસાર, રીઝવાન ઇંગ્લેન્ડ સામે આવતી સીરીઝની અમુક મેચોથી બહાર થઇ શકે છે. જો રીઝવાન સંપૂર્ણ રીતે ફીટ નથી થતા, તો ટીમ પાકિસ્તાન માટે મોટો ઝટકો હશે.