રંગમાં ભંગ / કિયારા-સિદ્ધાર્થના મહેંદી ફંક્શનમાં સાઉન્ડ સિસ્ટમ બગડતા જોવા જેવી થઈ, રંગમાં ભંગ પડતાં કપલને આવ્યો ગુસ્સો

• કિયારા-સિદ્ધાર્થના મહેંદી ફંક્શનમાં સાઉન્ડ સિસ્ટમ બગડતા રંગમાં ભંગ
• રાજસ્થાનના જેસલમેરમાં લગ્નનો જલસો
• પ્રસંગના મહેંદિ ફંકશનમાં સાઉન્ડ સિસ્ટમ બગડી

બોલીવુડમાં વધુ બે સ્ટાર લગ્નની વિધિઓથી જોડાવા જઈ રહ્યા છે. જેમાં સિદ્ધાર્થ મલ્હોત્રા અને કિયારા અડવાણીના આગામી સાત ફેબ્રુઆરીના રોજ લગ્ન છે ત્યારે આજે બંનેના લગ્ન પહેલાની વિધિ શરૂ થઈ ગઈ છે. ત્યારે આ સ્ટાર કપલના લગ્નમાં ખાસ મહેમાનો આવવાના શરૂ થઈ ગયા છે. જમાં કિયારા અડવાણીની નાનપણની બહેનપણી ઈશા અંબાણી તેમના પતિ સાથે આ કપલના શાહી લગ્નમાં હાજરી આપવા પહોચી હતી. આ ઉપરાંત કરણ જોહર, શાહિદ કપુર અને તેમના પત્ની તેમજ ઘણા સ્ટાર પણ હાજરી આપશે. મહત્વનું છે કે આવતીકાલે બંને કપલ સાત ફેરામાં સાત જન્મ સુધીના ફેરા ફરશે.

સિદ્ધાર્થ અને કિયારાના લગ્નને પગલે ખુશી

સિદ્ધાર્થ અને કિયારાના લગ્નની તેમના મિત્રોમાં ખુબ જ ખુશીનો માહોલ અને ઉત્સાહ જોવા મળી રહ્યો છે. માત્ર તેમના મિત્રો જ નહીં પરંતુ દુનિયાના મીડિયાની પણ આ શાહી લગ્નમાં નજર છે. અને નાનામાં નાના સમાચાર પણ કવર કરી રહ્યા છે. મીડિયા રીપોર્ટ્સ પ્રમાણે રાજસ્થાનની જેસલમેરની સુર્યગઢ હોટલમાં બંનેના શાહી લગ્ન યોજાશે. મહત્વનું છે કે રોયલ વેડિંગમાં ડાન્સ સોંગ દરમિયાન ડિજે સિસ્ટમામાં ખામી સર્જાઈ હતી. જેના કારણે કિયારા અડવાણી અને સિદ્ધાર્થ મલ્હોત્રા ગુસ્સે થયા હતા અને આજે રાતે યોજાનારી સંગીત નાઈટમાં કોઈપણ સમસ્યા ન આવે તે માટે સિસ્ટમને દૂર કરી હતી. ઉલ્લેખનીય છે કે આજે રાતે શાહિદ કપુર તેમના પત્ની મીરા કપુર સાથે પરફોમન્સ કરશે. આ ઉપરાંત સ્ટાર કપલ પણ પોતાનું પર્ફોમન્સ કરવાના હોવાનું મીડિયામાંથી અહેવાલ મળી રહ્યા છે.

રંગમાં ભંગ પડ્યો

આજે જ નહીં પરંતુ પાંચ ફેબ્રુઆરી રવિવારના રોજ યોજાયેલી મહેંદીની રસમમાં પણ ગાયન અને નૃત્યનો કાર્યક્રમ હતો. આ કાર્યક્રમમાં દુલ્હા દુલ્હન પણ મહેમાનો સાથે નાચી રહ્યા હતા આ દરમિયાન સિસ્ટમાંથી અવાજ બંધ થઈ જતાં રંગમાં ભંગ પડ્યો હતો.