પોલીસ ગ્રેડ પે આંદોલનમાં વધુ બે વિભાગ જોડાયા છે. નશાબંધી અને આબકારી ખાતાના કર્મચારીઓ ગ્રેડ પેમાં જોડાયા છે. જેના કારણે હવે આ આંદોલન પહેલા કરતા વધારે મજબૂત બન્યું છે.
પોલીસ કર્મચારીઓના આંદોલનમાં વધું બે વિભાગો જોડાયા
નશાબંધી અને આબકારી ખાતાના કર્મચારીઓ આંદોલનમાં જોડાયા
દિવસેને દિવસે આંદોલનમાં વધુ કર્મચારીઓ જોડાઈ રહ્યા છે
ગુજરાતના પોલીસ કર્મચારીઓ છેલ્લા અમુક સમયથી ગ્રેડ પેને લઈને આંદોલન કરી રહ્યા છે. જેમા હવે તો દિવસેને દિવસે આ આંદોલન વેગ પકડી રહ્યું છે. હવે નશાબંધી અને આબકારી ખાતાના કર્મચારીઓ પણ આ આંદોલનમાં જોડાઈ ગયા છે.
કોન્સ્ટેબલનો ગ્રેડ પે 1650 રૂપિયા
આપને જણાવી દઈએ કે આબકારી ખાતાના કોન્સ્ટેબવલનો ગ્રેડ પે 1,650 રૂપિયા છે. જેથી પોલીસ સમકક્ષ ગ્રેડ પરે કરવા માટે ગૃહ રાજ્યમંત્રી સમક્ષ કર્મચારીઓ માગ કરી રહ્યા છે, સમગ્ર મામલે હવે આ આંદોન દિવસેને દિવસે વેગ પકડી રહ્યો છે. કારણે ધીરે ધીરે મોટા ભાગના વિભાગો આંદોલનમાં હવે જોડાઈ રહ્યા છે.
ગૃહરાજ્યમંત્રીનું નિવેદન
સમગ્ર મામલે ગૃહ રાજ્યમંત્રીએ મોટું નિવેદન આપ્યું છે. કે ગ્રેડ પે ને લઈે પોલીસ કર્મચારીઓ જે આંદોલન કરી રહ્યા છે. તે મામલે ગૃહરાજ્યમંત્રી હર્ષ સંઘવીએ કહ્યું કે સરકાર તેમની માગણી પર અભ્યાસ કરી રહી છે.
આગામી સમયમાં લેવાશે નિર્ણય
સાથેજ ગૃહરાજ્યમંત્રીએ કહ્યું છે કે આગામી સમયમાં પોલીસ કર્મચારીઓની માગંણીને લઈને નિર્ણય લેવામાં આવશે. વધુમાં ગૃહ રાજ્યમંત્રીએ કહ્યું કે કોઈપણ વિષય પર યોગ્ય રીતે જો રજૂઆત કરવામાં આવે તો તેનો અભ્યાસ સરકાર દ્વારા કરવામાં આવે છે. જેથી હવે આ મામલે ટૂંક સમયમાં નિર્ણય લેવામાં આવશે.
વિવિધ પાસાઓની થશે તપાસ
ગૃહરાજ્યમંત્રીએ કહ્યું કે પોલીસ કર્મીઓની જે પણ માગ છે તે અંગે તેઓ વિવિધ પાસાઓની તપાસ કરશે. જે તપાસ બાદ તેઓ આગળ નિર્ણય લેવાના છે. છેલ્લા કેટલાક સમયથી પોલીસ કર્મચારીઓ તેમના ગ્રેડ પે ની માગણી કરી રહ્યા છે.
પોલીસ કર્મીઓની માગ પૂરી થવાની શક્યતા
ઉલ્લેખનીય છે કે સમગ્ર મામલે પોલીસ કર્મીઓના આંદોલનને લઈને ગૃહરાજ્યમંત્રીએ કહ્યું કે તેઓ કોઈપણ વિષયને હકારાત્મક રીતે વિચારીએ છે. ત્યારબાદ તેના પર નિર્ણય લેવામાં આવે છે. મહત્વનું છે કે ટૂંક સમયમાં હવે પોલીસ કર્મીઓના ગ્રેડ પે ને લઈને સરકાર જાહેરાત કરી શકે છે. જેમાં પોલીસ કર્મીઓની માગ પૂરી થવાની શક્યતા છે.