ભારતમાં હવે દિન પ્રતિદિન ઓમિક્રોન વેરિયન્ટના કેસ નોંધાઈ રહ્યાં છે. સોમવારે મહારાષ્ટ્રમાં ઓમિક્રોનના 2 વધારે કેસની પુષ્ટિ થઈ છે.
મહારાષ્ટ્રમાં ઓમિક્રોનના વધુ 2 કેસ નોંધાયા
રાજ્યમાં કુલ કેસની સંખ્યા થઈ 10
ભારતમાં ઓમિક્રોન કેસનો આંકડો પહોંચ્યો 24 પર
સોમવારે નોંધાયેલા 2 નવા કેસની સાથે રાજ્યમાં કુલ ઓમિક્રોન પોઝિટીવ કેસનો આંકડો 10 થયો છે. દેશભરમાં ઓમિક્રોનના કુલ 24 કેસ થયા છે. મહારાષ્ટ્ર સરકારે જણાવ્યું કે રાજ્યના એક 37 વર્ષના શખ્સમાં ઓમિક્રોન વાયરસ મળી આવ્યો છે. આ શખ્સ 25 નવેમ્બરે દક્ષિણ આફ્રિકાથી મુંબઈ આવ્યો હતો.
બીજા કેસની પુષ્ટિ અમેરિકાથી પાછી આવનાર 36 વર્ષીય મહિલામાં થઈ છે. આ બન્ને મિત્ર હોવાનું જણાવાઈ રહ્યું છે. જોકે બન્નેમાં ઓમક્રોનના કોઈ લક્ષણો જોવા મળ્યા ન થી. બન્નેએ ફાઈઝરની વેક્સિન પણ લીધી હતી તેમ છતાં પણ ઓમિક્રોન પોઝિટીવ નીકળ્યાં છે. બન્ને ઓમિક્રોન દર્દીની સારવાર મુંબઈની 7 હીલ્સ હોસ્પિટલમાં ચાલી રહી છે. તેમના સંપર્કમાં આવેલા લોકોની પણ ઓળખ કરી લેવાઈ છે.
મહારાષ્ટ્રમાં ઓમિક્રોન સંક્રમિતની સંખ્યા 10 થઈ
સોમવારના 2 કેસની સાથે મહારાષ્ટ્રમાં ઓમિક્રોન વેરિએન્ટના કુલ 10 કેસ થયા છે. પહેલો કેસ શનિવારે મુંબઈ નજીક મળી આવ્યો હતો. અહીં કલ્યાણ ડોમ્બિવલીમાં એક વ્યક્તિ દક્ષિણ આફ્રિકાથી દુબઈ અને દિલ્હી થઈને પાછો ફર્યો હતો. રવિવારે પુણેમાં વિદેશ યાત્રાથી પાછા ફરેલા ચાર લોકો અને તેમના નજીકના સંપર્કમાં આવેલા ત્રણ લોકોનો ઓમિક્રોન રિપોર્ટ પોઝિટીવ આવ્યો હતો.
Two more cases of #Omicron variant of coronavirus, a 37-year-old South Africa returnee man & his 36-year-old US returnee friend, have been confirmed in Maharashtra, taking the total number of the cases to 10 in the state: Maharashtra Govt
ભારતમાં ઓમિક્રોન પોઝિટીવ કેસની સંખ્યા થઈ 24
ભારતમાં ઓમિક્રોન કેસનો આંકડો પહોંચ્યો 24 પર પહોંચ્યો છે. દેશમાં જે રીતે દિનપ્રતિદિન કેસ નોંધાઈ રહ્યાં છે જોતા આગામી દિવસમાં વધારે કેસ નોંધાઈ શકે તેવી પૂરી શક્યતા છે.
રાજસ્થાનમાં એક સાથે ૯ કેસ આવ્યા હતા
રાજસ્થાનની રાજધાની જયપુરમાં 9 દર્દીઓમાં ઓમિક્રોન વેરિયન્ટ મળી આવ્યો હતો. તાજેતરમાં દક્ષિણ આફ્રિકાના ચાર શંકાસ્પદ દર્દીઓ અને તેમના સંપર્કમાં આવેલા અન્ય પાંચ દર્દીઓના નમૂના ઓજીન સિક્વન્સ માટે મોકલવામાં આવ્યા હતા. જયપુરની સવાઈ માનસિંહ મેડિકલ કોલેજના પ્રિન્સિપાલ ડો.સુધીર ભંડારીએ પુષ્ટિ આપી હતી કે એક પરિવારના પાંચ અને તેમના સંપર્કમાં આવેલા 4 લોકોનો ઓમિક્રોન ટેસ્ટ પોઝિટીવ આવ્યો છે.