બોગસ ડીગ્રી / નર્મદાના આંતરરાજ્ય બોગસ ડિગ્રી કૌભાંડમાં વધુ બેની ધરપકડ, હજુ પાંચ આરોપી ફરાર

• નર્મદા બોગસ ડીગ્રી કૌભાંડ 
• વધુ બે આરોપીઓની ધરપકડ 
• એક અમદાવાદનો બીજો દિલ્હીનો 

નર્મદા આંતરરાજ્ય બોગસ ડિગ્રી કૌભાંડ મામલે પોલીસને મોટી સફળતા મળી છે. નર્મદાના SPએ SITની રચના કરીને આ મામલે 4 ટીમને કામે લગાડી હતી. જેમાં અમદાવાદ અને દિલ્લીથી વધુ 2 આરોપીની આજે ધરપકડ કરવામાં આવી છે.જેમાં  અમદાવાદથી પ્રણવ જાની અને દિલ્લીથી વરુણ શાહની ધરપકડ કરવામાં આવી છે

રજિસ્ટ્રારે નોધાવી હતી ફરિયાદ 

બે દીવસ પહેલા સમગ્ર રાજ્યમાં ખળભળાટ મચાવનાર આંતર રાજ્ય બોગસ ડીગ્રી કૌભાંડમાં કેટલાક લોકોના નામ ખુલ્યાં હતા. જેમાં  અગાઉ નર્મદા ક્રાઈમબ્રાન્ચની ટીમે આ કૌભાંડની મહિલા સૂત્રધારની દિલ્લીથી ધરપકડ કરી હતી  પહેલા આ બન્ને મુખ્ય આરોપી દેવલાનંદ સાથે સંકળાયેલા હતા. જેથી પોલીસે આ બન્નેની ધરપકડ કરીને અન્ય 5 આરોપી ઝડપી પાડવા ચક્રો ગતિમાન કર્યાં છે. બિરસામુંડા ટ્રાયબલ યુનિવર્સિટીમાં 10 ડિસેમ્બર-21ના રોજ એક બનાવટી વેબસાઈટ બની હતી. ઉપરાંત એક બનાવટી ડિગ્રી સર્ટિફિકેટ વેરિફિકેશન માટે આવી હતી. આ અંગે રજિસ્ટ્રારે રાજપીપળા પોલીસ સ્ટેશનમાં ફરિયાદ નોંધાવી હતી. જેના આધારે રાજપીપળા પોલીસ અને નર્મદા LCB સહિતની ટીમોએ તપાસ શરૂ કરી હતી.