તમે અનેકવાર એવું સાંભળ્યું હશે કે ખોટા લોકેશનના કારણે મુંબઈ જેવા વિસ્તારમાં સમુદ્રમાં લોકેશન બતાવતું હોય. પરંતુ એક કિસ્સામાં તો બે લોકોએ કામ પર પહોંચવા માટે ઉબેર કરી અને તેમને અંદાજો નહોતો કે તેમને સમુદ્રમાં તરવું પડશે. લંડનના નિક ક્રિસ્ટોફોરાઉ અને સોફિયા ટૂન ફ્રાંસમાં ટૂર પર હતાં. આ દરમિયાન તેમને કડવો અનુભવ થયો હતો.
એક ન્યૂઝ વેબસાઈટ અનુસાર જ્યારે તેઓ કાન્સમાં હતાં ત્યારે આ ઘટના બની હતી. ક્રિસ્ટોફરાઉ અને સોફિયાએ પોતાના સ્થાન પર પહોંચવા માટે ઉબેર કરાવી હતી. જ્યારે કાર પોર્ટ પિએરો કાંટેથી પસાર થઈ રહી હતી ત્યારે ખોટો વળાંક લેવાના કારણે તે દરિયામાં પહોંચી હતી અને ડૂબવા લાગી હતી. આથી ક્રિસ્ટોફરાઉ તરીને બહાર નીકળ્યો હતો અને નજીકની બોટમાં પહોંચ્યો હતો. આ પછી તેણે સોફિયા અને ડ્રાઈવરને બચાવ્યાં હતાં.
સોફિયા આ ઘટનાથી ખૂબ જ ડરી ગઈ હતી. જોકે ડ્રાઈવરે કોઈ નશો ન કર્યો હોવાના કારણે તેની ધરપકડ કરવામાં આવી નહોતી. આ ઘટના કેવી રીતે બની તેની તો કોઈ જાણકારી નથી પરંતુ જો ક્રિસ્ટોફરાઉ તરીને બહાર ન નીકળ્યો હોત તો દરેક લોકોએ જીવ ગુમાવવો પડ્યો હોત.
પોલીસના જણાવ્યાનુસાર તે સારી વાત રહી હતી કે કાર ધીરે ધીરે ડૂબી અને લોકો પાસે બહાર નીકળવાનો સમય રહ્યો હતો. ઉબેરે 800 પાઉન્ડનું વળતર આપવાનું પણ કહ્યું પરંતુ ક્રિસ્ટોફરાઉએ આ વળતર લેવાની ના પાડી હતી.
ઉબરની તરફથી જારી કરવામાં આવેલા સ્ટેટમેન્ટ આપવામાં આવ્યુ છે કે કંપનીએ બંને પેસેન્જરનો કોન્ટેક્ટ કર્યો છે અને તેમણે કાઉન્સલિંગ આપી રહ્યા છે.
આ ઘટના પછી ઉબેરે ડ્રાઈવરને નોકરીમાંથી બરતરફ કર્યો છે. આ ઉપરાંત ઉબેરે ક્રિસ્ટોફરાઉને 1600 રુપિયા જેટલું બિલ પણ ઠપકાર્યું હતું. જોકે બાદમાં ઉબેરે તેને રિફંડ કરી આપ્યું હતું.