દુર્ઘટના / સાવરકુંડલાના બાઢડા નજીક ત્રિપલ અકસ્માતઃ બાઇક સવાર બેના ભોગ લેવાયા, કારચાલકો કાર મૂકી ફરાર

• બાઇક સવાર પુરુષ અને મહિલાનું મોત 
• અકસ્માત બાદ બંને કારચાલકો કાર મૂકી થયા ફરાર 
• પોલીસે ઘટનાસ્થળે પહોંચી તપાસ હાથ ધરી 

સાવરકુંડલાના બાઢડા ગામ નજીક બે કાર વચ્ચેના અકસ્માતે બે બાઇક સવારનો ભોગ લીધો હતો. બાઇક સવાર એક મહિલા અને એક પુરૂષનું ઘટનાસ્થળે જ મોત નીપજ્યા હતા. બન્ને કાર ચાલક અકસ્માત સર્જીને ફરાર થઇ ગયા હતા. 

આ સમગ્ર ઘટનાની જાણ થતા આસપાસના લોકો દોડી આવ્યા હતા. ઇમરજન્સી 108ને બોલાવીને બન્ને મૃતદેહને પોસ્ટમોર્ટમ માટે હોસ્પિટલ ખસેડવામાં આવ્યા હતા. સ્થાનિક પોલીસ દ્વારા મૃતકોની ઓળખ કરવામાં આવી રહી છે. જ્યારે ફરાર કાર ચાલકોને પકડવા માટેની પણ કવાયત હાથ ધરવામાં આવી છે.