કચ્છના કંડલામાં મીઠા પોર્ટ નજીક રસ્તા પર જતાં બે યુવાનો દ્વારા ભુલથી બાઈક ટકરતાં મુસ્લિમ સમાજ બે જૂથ વચ્ચે ઉગ્ર બોલાચાલી બાદ અથડામણ સર્જાઈ હતી. જેમાં ઘાતક હથિયારો સાથે મુસ્લિમ સમાજના બે જૂથો એક બીજા પર વાર કરતાં બે યુવાનોની હત્યા થઈ છે. આ ઉપરાંત 10થી વધુ લોકો તીક્ષ્ણ હથિયારના ઘાથી અત્યંત ગંભીર છે.
ગંભીર રીતે ઘાયલ થયેલા અને બંને મૃતકોને આદિપુર અને કંડલા ખાતે હોસ્પિટલમાં ખસેડાયા છે. ઘાયલ યુવાનોમાંથી ગંભીર રીતે ઈજાગ્રસ્ત હોવાથી મૃતકઆંક વધી શકે છે. જૂથ અથડામણ વખતે પોલીસ પહોંચે એ પહેલાં બે યુવાનની હત્યાથી સમગ્ર પંથમમાં ચકચાર મચી ગઈ છે.
ઘટનાસ્થળે પૂર્વ કચ્છ એસ પી સહિત DySP અને ઉચ્ચ પોલીસ અધિકારીઓનો કાફલો પહોંચ્યો છે. ઘટનાસ્થળે ચુસ્ત પોલીસ બંદોબસ્ત ખડકી દેવાયો છે. આ ઉપરાંત ઉચ્ચ પોલીસ અધિકારીઓએ તપાસના આદેશ પણ આપ્યા છે.