પાંડેસરામાં ગેસનો બાટલો બ્લાસ્ટ થતાં અફરાતફરી પિતા-પુત્ર ગંભીર રીતે ઘાયલ

સુરતના પાંડેસરા વિસ્તારમાં ગેસનો બાટલો અચાનક બ્લાસ્ટ થતા અફરાતફરીનો માહોલ સર્જાયો હતો. બ્લાસ્ટમાં પિતા-પુત્ર ગંભીર રીતે દાઝી જતા તેમને સારવાર અર્થે સિવિલ હોસ્પિટલ ખસેડાયા છે. ગેસ ચાલુ કરતા સમયે લાઈટરની સ્વિચ દબાવતા જ બ્લાટ થયો હોવાનું પ્રાથમિક તારણ હાલ સામે આવ્યું છે. સદ્દનસીબે આ દૂર્ઘટનામાં જાનહાની ટળી છે.



આ મામલે મળતી જાણકારી મુજબ સુરત શહેરના પાંડેસરના વિસ્તારમાં આવેલ એક મકાનમાં ગેસનો બાટલો અચાનક બ્લાસ્ટ થતા અફરાતફરીનો માહોલ સર્જાયો હતો. બ્લાસ્ટ થવાને પગલે પિતા-પુત્ર ગંભીર રીતે દાઝી ગયા હતા. જો કે ઘાયલ થયેલ પિતા-પુત્રને તાત્કાલિક અસરથી નજીકના દવાખાને સારવાર અર્થે ખસેડવામાં આવ્યા હતા. 

આ ઘટના અંગેની જાણ નજીકના પોલીસ મથકે થતાં પોલીસ કાફલો ઘટના સ્થળે આવી પહોંચ્યો હતો અને પ્રાથમિક તપાસ હાથ ધરવામાં આવતા ગેસ ચાલુ કરતા સમયે લાઈટરની સ્વિચ દબાવતા જ બ્લાટ થયો હોવાનું ધ્યાને આવ્યું હતું.