અમેરિકાના શિકાગોમાં લૂંટને ઇરાદે બે ભારતીય યુવકો પર ગોળીબાર, એકનું ગંભીર ઇજાઓને કારણે સારવાર દરમ્યાન નિધન તો અન્ય એક યુવક સારવાર હેઠળ
અમેરિકાના શિકાગોમાં બે ભારતીય યુવકો ગોળીબારનો ભોગ બન્યા
બંને યુવકો આંધ્રપ્રદેશ અને તેલંગાણાના હોવાનું ખૂલ્યું
પ્રિન્સટન પાર્કમાં રવિવારે રાત્રે લૂંટારાઓએ ગોળી મારી હતી
23 વર્ષીય ભારતીય યુવકનું ગોળી વાગવાથી મોત, અન્ય એક ઇજાગ્રસ્ત
અમેરિકાના શિકાગોમાં એક 23 વર્ષીય ભારતીય યુવકને લૂંટારુઓએ ગોળી મારી દીધા બાદ તેનું મોત નીપજ્યું હતું. મંગળવારે એક મીડિયા રિપોર્ટમાં આ માહિતી આપવામાં આવી હતી. શિકાગો પોલીસે મંગળવારે સવારે જણાવ્યું હતું કે, યુવકને દક્ષિણ બાજુના પ્રિન્સટન પાર્કમાં રવિવારે રાત્રે લૂંટારાઓએ ગોળી મારી હતી. આ સાથે તેની સાથે રહેલા અન્ય એક યુવક પણ ઇજાગ્રસ્ત થયો હોઇ તેને હોસ્પિટલ ખસેડાયો છે.
ગોળીબારનો ભોગ બન્યા ભારતના બે યુવકો
મીડિયા રિપોર્ટ્સમાં કહેવામાં આવ્યું છે કે, 23 વર્ષીય ભારતીય યુવકનું ગોળી વાગવાથી મોત થયું છે. અહેવાલો અનુસાર ઓક લૉનમાં ક્રાઇસ્ટ મેડિકલ સેન્ટરમાં સોમવારે સવારે 4 વાગ્યા પછી યુવકનું અવસાન થયું હતું. ઘટના દરમિયાન તેની સાથે રહેલા યુવકને પણ ગોળી વાગી હતી હોઇ તેને ગંભીર હાલતમાં હોસ્પિટલમાં લઈ જવામાં આવ્યો હતો.
બંને યુવકો આંધ્રપ્રદેશ અને તેલંગાણાના હોવાનું ખૂલ્યું
યુએસના શિકાગોમાં રવિવારે એટલે કે 22 જાન્યુઆરીના રોજ એક સશસ્ત્ર લૂંટ દરમિયાન 23 વર્ષીય ભારતીય વિદ્યાર્થીનું મોત થયું હતું જ્યારે અન્ય એકને ગોળી વાગી હતી. જોકે હવે મૃતકની ઓળખ દેવાંશ તરીકે થઈ છે, જે આંધ્રપ્રદેશના વિજયવાડાનો વતની છે. જ્યારે ઈજાગ્રસ્ત વિદ્યાર્થી કોપ્પલા સાંઈ ચરણ છે જે તેલંગાણાના સંગારેડ્ડી જિલ્લાનો છે. જોકે સાંઈ ચરણની હાલત હાલમાં સ્થિર હોવાનું કહેવાય છે.
કેવી રીતે બની સમગ્ર ઘટના ?
વિગતો મુજબ રવિવારની સાંજે 6:55 વાગ્યાની આસપાસમૃતક નંદેપુ અને અન્ય સાંઈ ચરણ પાર્કિંગની નજીક હતા. ત્યારે ત્યાં એક વાહન આવ્યું અને તેમાં સવાર લૂંટારૂઓએ તેમને પકડી લીધા. આ દરમિયાન તેઓએ મૃતક અને અન્ય લોકો પાસેથી કિંમતી સામાન લૂંટવાનો પ્રયાસ કર્યો હતો.
લૂંટનો વિરોધ કરતા લૂંટારૂએ ગોળી મારી
પોલીસ અધિકારીઓએ જણાવ્યું કે, જ્યારે નંદેપુ અને તેના મિત્રએ લૂંટારુઓનો સામનો કર્યો ત્યારે તેઓએ બંનેને ગોળી મારી દીધી. પોલીસે જણાવ્યું હતું કે, યુવકને છાતીમાં ઈજાઓ થઈ હતી અને તેને યુનિવર્સિટી ઓફ શિકાગો મેડિકલ સેન્ટરમાં લઈ જવામાં આવ્યો હતો, જ્યાં ભારતીય યુવકનું ગંભીર ઈજાઓને કારણે મોત નીપજ્યું હતું.