બચાવકાર્ય / તુર્કીયેના રેસ્ક્યુ ઓપરેશનમાં ભારતના બે શ્વાનની જોડી બની 'દેવદૂત', 6 વર્ષની બાળકીને કાટમાળમાંથી જીવિત બહાર કાઢવામાં કરી સહાય

• ભૂકંપમાં જીવ ગુમાવનારા લોકોની સંખ્યા 28,000ને પાર પહોંચી ગઈ
• ભારતના ડોગ સ્ક્વોડ એ કાટમાળમાં ફસાયેલી છ વર્ષની બાળકીને બચાવી
• કાટમાળમાં કોઈ જીવતું દટાયેલ હોય તો શ્વાન તેની જાણકારી આપે 
• તુર્કીયે અને સીરિયામાં ચાર શ્વાનની ડોગ સ્કવોડની ટીમ રેસ્ક્યુમાં લાગી 

6 ફેબ્રુઆરીએ તુર્કીયે અને સીરિયામાં આવલા વિનાશકારી ભૂકંપમાં જીવ ગુમાવનારા લોકોની સંખ્યા 28,000ને પાર પહોંચી ગઈ છે. કાટમાળ નીચે ફસાએ લા લોકોને જીવતા હશે કે નહી તેવી આશા સાથે બચાવકાર્ય ચાલુ છે. ભૂકંપે આ દેશોમાં જે રીતે મોટાપાયે તબાહી મચાવી છે તેને જોઈ દુનિયાભરના લોકો સ્તબ્ધ થઈ ગયા છે. હાલ એનડીઆરએફની ટીમ ત્યાં બચાવ કાર્યમાં લાગેલી છે. 

ડોગ સ્ક્વોડ એ કાટમાળમાં ફસાયેલી છ વર્ષની બાળકીને બચાવી
દુનિયાના ઘણા દેશ તુર્કીયે અને સીરિયાની મદદ માટે આગળ આવ્યા છે. આ તબાહી વચ્ચે ભારતની NDRFની ટીમો પણ બચાવ માટે તુર્કી અને સીરિયા પહોંચી ગઈ છે અને કાટમાળ નીચે દટાયેલા લોકોને બહાર કાઢી રહી છે. એનડીઆરએફની ટીમ સાથે ત્યાં લઈ જવામાં આવેલી ડોગ સ્ક્વોડમાં સામેલ જુલી અને રોમિયોએ અજાયબી કરી બતાવી છે. જણાવી દઈએ કે બંનેએ ભૂકંપગ્રસ્ત તુર્કીના કાટમાળમાં ફસાયેલી છ વર્ષની બાળકીને બચાવી લીધી છે.

#TurkeyEarthquake | Sniffer dogs of NDRF, Julie and Romeo saved a six-year-old girl who was trapped under the debris at the earthquake-hit Nurdağı. pic.twitter.com/HCVv6wcibf

— ANI (@ANI) February 13, 2023

કાટમાળમાં કોઈ જીવતું દટાયેલ હોય તો શ્વાન તેની જાણકારી આપે 
તુર્કીયેના નૂરદગીમાં હાજર એનડીઆરએફ ડોગ સ્ક્વોડને સંભાળવાવાળા એક વ્યક્તિએ કહ્યું કે જ્યારે અમે બચાવ કાર્ય માટે કાટમાળની નજીક પહોંચીએ છીએ, ત્યારે અમારી પાસે હંમેશા કૂતરાઓ અને હેન્ડલર જોડીમાં ડોગ સ્ક્વોડમાં સામેલ હોય છે. બચાવકાર્ય સમયે અમે એક શ્વાનછોડી દઈએ છીએ જે કાટમાળમાં કોઈ જીવતુ દટાયેલ છે કે નહીં તેના વિશે જાણકારી આપે છે. આ વિશે એમને કહ્યું કે, 'કાટમાળમાં કોઈ જીવતું દટાયેલ હોય તો ડોગ સ્ક્વોડમાં સામેલ શ્વાન ભસીને તેની જાણ કરે છે. જ્યારે આવું થાય છે, ત્યારે ડોગ સ્ક્વોડમાં બીજા કૂતરાને ત્યાં મોકલવામાં આવે છે જે તેની પુષ્ટિ કરે છે, પછી કાટમાળમાં સંભવિત બચી ગયેલા વ્યક્તિની શોધ કરવામાં આવે છે અને તેને બચાવવામાં આવે છે. 

"When we go to a scenario, we always have the dogs & handlers in pairs. We decide & release one dog first. It goes, searches and barks to indicate to us the possibility of a live victim. Then the second dog is released & it confirms the indication," says one of the NDRF handlers pic.twitter.com/lfquUgpXvo

— ANI (@ANI) February 13, 2023

ચાર શ્વાનની ડોગ સ્કવોડની ટીમ રેસ્ક્યુમાં લાગી 
જણાવી દઈએ કે જૂલી, રોમિયો, હની અને રેમ્બો તુર્કીમાં રેસ્ક્યુ ઓપરેશનમાં ભારતની NDRF ટીમને મદદ કરી રહ્યા છે. NDRFની ટીમ દ્વારા જે ચાર સભ્યોની ડોગ સ્કવોડને તુર્કીયે મોકલવામાં આવી છે. લેબ્રાડોર જાતિના આ ચાર કૂતરા ખૂબ જ સારી રીતે પ્રશિક્ષિત છે અને આ ચારેય આપત્તિગ્રસ્ત વિસ્તારોમાં બચાવ કામગીરી દરમિયાન સૂંઘવામાં અને અન્ય મહત્વપૂર્ણ કૌશલ્યોમાં પણ પારંગત છે.

Julie, Romio among 4-member dog squad engage in rescue ops in quake-hit Turkey

Read @ANI Story | https://t.co/abl7dPMOGq#TurkeyEarthquake #DogSquad #RescueOperation #Romio #Julie pic.twitter.com/XqjxbC9LOw

— ANI Digital (@ani_digital) February 8, 2023

ભારતની એનડીઆરએફની ટીમ ચોથી વખત ઇન્ટરનેશનલ ઓપરેશનમાં ગઈ 
જણાવી દઈએ કે એનડીઆરએફની રચના વર્ષ 2006માં કરવામાં આવી હતી અને તેને પહેલી વખત ઇન્ટરનેશનલ ઓપરેશનમાં વર્ષ 2011માં જાપાનમાં ભૂકંપના કારણે ભારે તબાહી સર્જાઈ હતી ત્યારે મોકલી હતી. આ પછી વર્ષ 2014માં ભૂટાનમાં રાહત અભિયાન દરમિયાન NDRFની ટીમો પણ મોકલવામાં આવી હતી. ત્રીજી વખત એનડીઆરએફને વર્ષ 2015માં નેપાળ મોકલવામાં આવી હતી. હવે તુર્કીમાં આવેલા વિનાશક ભૂકંપમાં ચોથી વખત NDRFને રાહત અને બચાવ કામગીરીની જવાબદારી સોંપવામાં આવી છે.