ક્રાઇમ / ભાડાની દુકાનમાં બે મિત્રો છાપી રહયા હતા 100,200 અને 500 ની નોટ, પછી થયું આવું 

• ગામડામાં દુકાન બહદે રાખીને કરતાં હતા કામ 
• 100,200 અને 500ની નકલી નોટો છાપતાં હતા 
• એક શીટ પર એકી સાથે 4 નોટો છપાઈ હતી

પશ્ચિમ જિલ્લાના બગરુ સ્ટેશનની પોલીસે આજે નકલી નોટો છાપવાના એક કૌભાંડનો પર્દાફાશ કર્યો હતો, પોલીસના જણાવ્યાનુસાર આ ગેંગ હરધ્યાનપુરા નામના ગામમાં એક રોડ સાઈડની દુકાન ભાડે રાખીને તેમાં આ કામ કરી રહી હતી. જેમાં 100,200 અને 500 ની નકલી નોટો છાપવાનું કામ થઇ રહ્યું હતું, પોલીસે આ કામ માટે બે આરોપીઓની ધરપકડ કરી હતી અને તેમની પાસેથી 42 હજાર રૂપિયાની નકલી નોટો અને છાપવા વળી મશીનો તેમજ અન્ય સાધનો કબ્જે કાર્ય હતા. પકડાયેલા બંને આરોપીઓ મિત્રો છે. 

100 રૂપિયાની નોટો સૌથી વધુ મળી 

માહિતી અનુસાર કબ્જે કરાયેલી નોટોમાં 100 રૂપિયાની નોટો સૌથી વધુ મળી છે, 100 રૂપિયાની 34, 200 અને 500ની એક એક નોટ મળી આવી છે. પ્રાપ્ત જાણકારી અનુસાર એક શીટ પર 4 નોટોનું છાપકામ કરવામાં આવી રહયું હતું, અને બધી જ શીટ ઉપર 100 રૂપિયાની નોટ છપાયેલી હતી, જેને સૂકવવા માટે મૂકવામાં આવી હતી. આ આરોપીઓને હાલમાં પકડીને કોર્ટમાં પ્રેઝન્ટ કરવામાં આવ્યા હતા, જેની હવે રિમાન્ડ લઈને પૂછપરછ કરવામાં આવશે

પહેલા બનાવી યોજના 

મૂળે નાગોર જિલ્લાના રહેવાસી સંદીપ ચૌધરી અને સુભાષ કુમાવતે સાથે મળીને આ યોજના બનાવી હતી, જેમાં અમુક સ્થાનિક લોકોની મદદ લઈને એક દુકાન ભાડે રાખવામાં આવી હતી અને પછી અમુક લોકલ  માણસોની મદદ દ્વારા આસપાસના ક્ષેત્રમાં આ નોટો ગામડાના બજારોમાં વટાવવામાં આવતી હતી. 

પોલીસને ખબર પડી તો નોટો સળગાવી દીધી 

પોલીસને સૂચના મળી કે આ વિસ્તારમાં નકલી નોટ બજારના દુકાનદારોને આપવામાં આવી રહયા છે ત્યારે પોલીસે તપાસ શરુ કરી  હતી, જેમાં એક દુકાનમાં નકલી નોટો છપાતી હોવનો ખુલાસો થયો હતો , જેના પછી આ દુકાન પર રેડ પાડવામાં આવી હતી અને આરોપી યુવાનોને ઝડપી પાડવામાં આવ્યા હતા, જો કે માહિતી અનુસાર પકડાતા પહેલા આ યુવાનોએ અમુક નોટોને સળગાવી દીધી હોવાના પણ અહેવાલ હતા.